ទាហានអ៊ុយក្រែន បាញ់សម្លាប់ទាហានរុស្ស៊ី  ដែលខ្លួនចាប់បាន ក្រោយមានការចោទប្រកាន់អំពើឃោរឃៅស្រដៀងគ្នារបស់រុស្ស៊ីនៅ Bucha

វីដេអូដែលចេញផ្សាយកាលពីថ្ងៃពុធទី០៦ខែមេសា បានបង្ហាញពីទាហានអ៊ុយក្រែន សម្លាប់ទាហានរុស្ស៊ីដែលពួកគេចាប់បាន ដោយដៃរបស់ទាហានរុស្ស៊ី ត្រូវចងនៅពីក្រោយខ្នង។ 

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រឿងនេះកើតឡើង ខណៈទើបតែមានការចោទប្រកាន់អំពីអំពើឃោរឃៅស្រដៀងគ្នានេះ ដែលប្រព្រឹត្តដោយកងកម្លាំងរុស្ស៊ីនៅក្នុងទីក្រុង Bucha របស់អ៊ុយក្រែន។

វីដេអូដែលកាសែត New York Times ផ្ទៀងផ្ទាត់កាលពីថ្ងៃពុធ បានបង្ហាញពីទាហានអ៊ុយក្រែន ប្រព្រឹត្តការសម្លាប់នេះ បន្ទាប់ពីការវាយឆ្មក់នៅខាងក្រៅភូមិមួយ ភាគខាងលិចទីក្រុង កៀវ។

“គាត់នៅមានជីវិតនៅឡើយ! ថត​អ្នក​ប្លន់ទឹកដីទាំងនេះទៅ! មើលទៅ គាត់នៅមានជីវិតទេ! គាត់កំពុងដកដង្ហើមធំ”។ នេះជាសម្តីជនជាតិអ៊ុយក្រែនម្នាក់ ដែលត្រូវបានគេឮ ខណៈដែលទាហានរុស្ស៊ីត្រូវបានគេមើលឃើញជាមួយនឹងអាវធំគ្របលើក្បាលរបស់គាត់។

បន្ទាប់មក ទាហានម្នាក់បានបាញ់បុរសនោះបីគ្រាប់។ ក្រោយ​ពេល​បាញ់បាន​២គ្រាប់ បុរស​រូប​នេះ​នៅមាន​ចលនា ប៉ុន្តែ​បានស្លាប់​ក្រោយត្រូវ​គ្រាប់​ទី​៣។

មានទាហានរុស្សីយ៉ាងតិចបីនាក់ផ្សេងទៀត បានដេកស្លាប់នៅក្បែរជនរងគ្រោះចុងក្រោយបង្អស់។

វីដេអូនេះត្រូវបានគេថតចេញពីផ្លូវមួយនៅភាគខាងជើងនៃទីក្រុង Dmytrivka មានចម្ងាយជាង១១គីឡូម៉ែត្រ ភាគនិរតីទីក្រុង Bucha ដែលជាកន្លែង អ្នករស់រានមានជីវិតពីការកាន់កាប់ទីក្រុងអស់រយៈពេលមួយខែ បានពណ៌នាអំពីភាពវេទនារបស់ពួកគេ នៅក្នុងដៃកងទ័ពលុកលុយរបស់លោកពូទីន៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ រុស្ស៊ី ទទួលស្គាល់ថា ខ្លួនបាត់បង់កងទ័ពច្រើនលើសលប់ និងជាសោកនាដកម្មដ៏ធំធេងសម្រាប់ទីក្រុង មូស្គូ