ព័ត៌មានអន្ដរជាតិ
គ្រោះធម្មជាតិនៅហ្វីលីពីន ផ្តាច់ជីវិតមនុស្ស៥៣នាក់ ខណៈអ្នកស្លាប់អាចកើនឡើងទៀត
មនុស្សចំនួន៥៣នាក់បានស្លាប់នៅក្នុងការបាក់ដី និងទឹកជំនន់ បន្ទាប់ពីព្យុះត្រូពិក Megi វាយប្រហារប្រទេស ហ្វីលីពីន។
ទោះបីជាយ៉ាងណាក៏ដោយ ចំនួនអ្នកស្លាប់ដោយសារគ្រោះធម្មជាតិកាលពីថ្ងៃអាទិត្យ ត្រូវបានគេរំពឹងថា នឹងកើនឡើងបន្តទៀត។
ភូមិនានាជុំវិញទីក្រុង Baybay ក្នុងខេត្ត Leyte ភាគកណ្តាល គឺរងការវាយប្រហារខ្លាំងជាងគេ។
នៅទីនោះ ដីបាក់ពីលើភ្នំ និងទឹកទន្លេឡើងខ្លាំង បានបំផ្លាញផ្ទះសម្បែង និងកប់មនុស្សជាច្រើននាក់។ អភិបាលក្រុងលោក Jose Carlos Cari បានប្រាប់សារព័ត៌មាន CNN ថា យ៉ាងតិចមនុស្ស ៤៧នាក់នៅក្នុងតំបន់នេះ ត្រូវបានសម្លាប់។
មន្ត្រីរដ្ឋាភិបាលម្នាក់បានប្រាប់ទីភ្នាក់ងារសារព័ត៌មាន AFP ថា នៅក្នុងភូមិ Pilar, ផ្ទះប្រហែល ៨០% ត្រូវបានទឹកហូរបោកនាំទៅសមុទ្រ។
ទីភ្នាក់ងារគ្រោះមហន្តរាយជាតិហ្វីលីពីន ក៏បានរាយការណ៍អំពីការស្លាប់នៅក្នុងតំបន់ Davao ភាគខាងត្បូង, កោះ Mindanao និងនៅក្នុងខេត្ត Negros Orientals ភាគកណ្តាលផងដែរ។
អាជ្ញាធរនិយាយថា មនុស្សជាង ១០០ ០០០ នាក់នៅកោះភាគខាងត្បូង និងភាគខាងកើតប្រទេសហ្វីលីពីន បានរងផលប៉ះពាល់ដោយសារព្យុះនេះ។
គួរបញ្ជាក់ថា វាជាព្យុះទីមួយក្នុងឆ្នាំនេះ ខណៈហ្វីលីពីនជាធម្មតាមានខ្យល់ព្យុះជាមធ្យម ២០ព្យុះក្នុងមួយឆ្នាំ។
វាកើតឡើងប្រហែលបួនខែ បន្ទាប់ពីព្យុះទីហ្វុង Rai បានបំផ្លិចបំផ្លាញកោះភាគអាគ្នេយ៍ជាច្រើនរបស់ប្រទេស ដោយបានសម្លាប់មនុស្សចំនួន ៣៧៥នាក់ និងប៉ះពាល់ដល់មនុស្សប្រហែល ៥០០ ០០០ នាក់៕
ប្រែសម្រួល៖ Vann Vann
ប្រភព៖ BBC
ចុចអាន៖ អ្នកស្លាប់ដោយសារកំពូលព្យុះទីហ្វុងនៅ ហ្វីលីពីន កើនដល់ជិត ៤០០នាក់
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង