ព័ត៌មានអន្ដរជាតិ
ព្យុះនៅ ហ្វីលីពីន សម្លាប់មនុស្សដល់ ១៥០នាក់ ខណៈភ្លៀងនឹងបន្តធ្លាក់កាន់តែខ្លាំង
មន្ត្រីគ្រោះមហន្តរាយបាននិយាយនៅថ្ងៃព្រហស្បតិ៍ទី ០៣ខែវិច្ឆិកានេះថា ចំនួនអ្នកស្លាប់ដោយសារព្យុះដ៏ខ្លាំងមួយដែលបង្កជាទឹកជំនន់ និងការបាក់ដីនៅទូទាំងប្រទេសហ្វីលីពីន បានកើនឡើងដល់ ១៥០នាក់ហើយ ខណៈភ្លៀងធ្លាក់ខ្លាំង ត្រូវបានគេព្យាករថានឹងបន្តធ្លាក់ នៅក្នុងតំបន់មួយចំនួន។
មនុស្សជាង ៣៥៥ ៤០០នាក់ បានជម្លៀសចេញពីផ្ទះរបស់ពួកគេ ខណៈព្យុះត្រូពិកដ៏ធ្ងន់ធ្ងរឈ្មោះ Nalgae បានវាយលុកប្រទេសប្រជុំកោះមួយនេះ ចាប់តាំងពីចុងសប្តាហ៍មុនមក។
ក្នុងចំណោមអ្នកស្លាប់ទាំង១៥០នាក់ ដែលត្រូវបានកត់ត្រាដោយទីភ្នាក់ងារគ្រោះមហន្តរាយជាតិ, មាន៦៣នាក់ស្ថិតក្នុងតំបន់ Bangsamoro លើកោះ Mindanao ភាគខាងត្បូង ជាកន្លែងដែលជំនន់ទឹកភ្លៀង និងការបាក់ដីបានបំផ្លាញភូមិនានា។
ទីភ្នាក់ងារនេះនិយាយថា មនុស្សយ៉ាងតិច១២៨នាក់បានរងរបួស និង៣៦នាក់បាត់ខ្លួននៅទូទាំងប្រទេស ខណៈអាជ្ញាធរព្រមានថា គ្មានសង្ឃឹមអាចរកឃើញអ្នកនៅរស់បន្ថែមទៀតទេ។
ជាមួយនឹងការព្យាករណ៍ភ្លៀងធ្លាក់ខ្លាំងនៅថ្ងៃព្រហស្បតិ៍នេះ ភ្នាក់ងារគ្រោះមហន្តរាយក្នុងតំបន់ Bangsamoro កំពុងត្រៀមខ្លួនសម្រាប់លទ្ធភាពនៃការបំផ្លិចបំផ្លាញបន្ថែមទៀត នៅក្នុងតំបន់ក្រីក្រ និងតំបន់ភ្នំ។
ស្របពេលជាមួយគ្នានោះដែរ លោកប្រធានាធិបតី Ferdinand Marcos បានស្តីបន្ទោសការកាប់បំផ្លាញព្រៃឈើ និងបម្រែបម្រួលអាកាសធាតុចំពោះបំណាក់ដីដ៏បំផ្លិចបំផ្លាញនៅ Bangsamoro។
អ្នកវិទ្យាសាស្ត្របានព្រមានថា ព្យុះកាន់តែសាហាវៗ និងបង្កការបំផ្លិចបំផ្លាញធំធេង នៅពេលដែលពិភពលោកកាន់តែក្តៅ ដោយសារតែបម្រែបម្រួលអាកាសធាតុ៕
ប្រែសម្រួល៖ Vann Vann
ប្រភព៖ CNA
ចុចអាន៖ មនុស្សស្លាប់កើនដល់ជាង ១០០នាក់ ដោយសារព្យុះត្រូពិក Nalgae នៅហ្វីលីពីន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង