ព័ត៌មានអន្ដរជាតិ
អាល្លឺម៉ង់ថា អាទិភាពទី១គឺបញ្ចៀសការប្រឈមមុខដាក់គ្នារវាង ណាតូ និងរុស្ស៊ី
អង្គការសន្ធិសញ្ញាអាត្លង់ទិកខាងជើង (ណាតូ) ត្រូវតែជៀសវាងការប្រឈមមុខដាក់គ្នាដោយយោធាជាមួយប្រទេសរុស្ស៊ី ដែលអាចនាំឲ្យកើតសង្គ្រាមលោកលើកទី៣។ នេះជាការលើកឡើងរបស់អធិការបតីអាល្លឺម៉ង់ លោក Olaf Scholz។
លោក Scholz កំពុងប្រឈមនឹងការរិះគន់កើនឡើងខ្លាំងនៅក្នុងប្រទេស និងនៅក្រៅប្រទេសចំពោះរដ្ឋាភិបាលរបស់លោកដែលស្ទាក់ស្ទើរក្នុងការបញ្ជូនគ្រឿងសព្វាវុធធុនធំដូចជា រថក្រោះ និងកាំភ្លើងធំជាដើមទៅប្រទេសអ៊ុយក្រែនដើម្បីទប់ទល់នឹងការវាយប្រហាររបស់រុស្ស៊ី បើទោះបីជាសម្ព័ន្ធមិត្តលោកខាងលិចមួយចំនួនបានដឹកជញ្ជូនទៅហើយ។
ក្នុងបទសម្ភាសផ្តាច់មុខជាមួយអ្នកសារព័ត៌មាន Der Spiegel ជុំវិញបរាជ័យក្នុងការបញ្ជូនគ្រឿងសព្វាវុធរបស់អាល្លឺម៉ង់ទៅអ៊ុយក្រែនដែលចេញផ្សាយកាលពីថ្ងៃសុក្រ ទី២២ ខែមេសា លោកអធិការបតីបានលើកឡើងថា មិនមានសៀវភៅច្បាប់ណាដែលចែងថា អាល្លឺម៉ង់អាចត្រូវបានពិចារណាជាភាគីមួយទៅសង្គ្រាមនៅអ៊ុយក្រែននោះទេ។
លោកមានប្រសាសន៍សង្កត់ធ្ងន់ថា ៖«នោះជាមូលហេតុដែលវាសំខាន់បំផុតទាំងអស់គឺថា យើងខ្ញុំពិចារណាគ្រប់ជំហានដោយប្រុងប្រយ័ត្ន និងសម្របសម្រួលគ្នាដោយយកចិត្តទុកដាក់ដើម្បីជៀសវាងការកើនឡើងបញ្ហាប្រឈមនឹង ណាតូ គឺជាអាទិភាពចម្បងសម្រាប់ខ្ញុំ»។
«នោះជាមូលហេតុដែលខ្ញុំមិនផ្តោតលើការស្ទង់មតិ ឬបណ្តោយឲ្យខ្លួនឯងខឹងសម្បារដោយសារការហៅទូរសព្ទដ៏ច្របូកច្របល់។ ផលវិបាកនៃកំហុសឆ្គង់នឹងមានខ្លាំង»។ លោកបានបញ្ជាក់។
នេះគឺជាការចាកចេញមួយពីសេចក្តីថ្លែងការណ៍មុនៗរបស់លោកលើប្រធានបទលើការពិតដែលការស្តុកយោធារបស់អាល្លឺម៉ង់គឺខ្សត់ខ្សោយក្នុងការបញ្ជូនគ្រឿងសព្វាវុធធំៗណាមួយ។ ពេលសួរថា ហេតុអ្វីបានជារដ្ឋាភិបាលរបស់លោកស្ទាក់ស្ទើរ ដោយសារតែការគំរាមកំហែងសង្គ្រាមនុយក្លេអ៊ែរ? លោកឆ្លើយថា ភាពសាមញ្ញគ្មានប្រយោជន៍ទេ។
ទោះបីជាយ៉ាងណា មិនយូរមិនឆាប់ លោក Scholz អាចត្រូវបានបង្ខំឲ្យប្រកាន់គោលជំហរច្បាស់លាស់ថាតើអាវុធធុនធំអាចត្រូវបានបញ្ជូនផ្ទាល់ពីអាល្លឺម៉ង់ទៅអ៊ុយក្រែន។ កាសែត The Welt am Sonntag បានផ្សាយថា អ្នកម៉ៅការការពារជាតិ Rheinmetall បានដាក់ពាក្យស្នើសុំអាជ្ញាប័ណ្ណដើម្បីលក់រថពាសដែក១០០គ្រឿងទៅអ៊ុយក្រែន។
យោងតាមអ្នកម៉ៅការ រថពាសដែក Marders អាចត្រូវបានដឹកជញ្ជូនទៅឆាប់ៗ ប៉ុន្តែការនាំចេញផ្នែកយោធាទាំងអស់ត្រូវតែទទួលបានការអនុម័តពីគណៈកម្មាធិការមួយក្នុងនាមអធិការបតីជាមុនសិន៕
ប្រែសម្រួល៖ វីរបុត្រ
ប្រភព៖ Reuters
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ