ប្រទេសអាស៊ីចំនួន ៤ ទិញប្រេងច្រើនបំផុតពី រុស្ស៊ី

រយៈពេល ២ ខែ បន្ទាប់ពីរុស្ស៊ីបានធ្វើសង្គ្រាមលុកលុយលើអ៊ុយក្រែន លំហូរប្រេងរុស្ស៊ីជាច្រើននៅតែបន្តទៅកាន់បណ្ដាប្រទេសលើពិភពលោក ហើយនេះគឺជាប្រទេសអាស៊ីចំនួន ៤ ដែលពឹងផ្អែកខ្លាំងលើប្រេងរបស់រុស្ស៊ី ៖

ចិន

ចិនបាននាំចូលប្រេងឆៅរបស់រុស្ស៊ីចំនួន ១៥.៤ ភាគរយ ហើយក៏ជាប្រទេសនាំចូលប្រេងឆៅលំដាប់កំពូលរបស់ពិភពលោកផងដែរ ដោយទិញជាមធ្យម ១.៥៩ លានបារ៉ែលក្នុងមួយថ្ងៃកាលពីឆ្នាំមុន ឬ ១៥.៥ ភាគរយនៃការនាំចូលសរុបរបស់ខ្លួន ។

កូរ៉េខាងត្បូង

រុស្ស៊ីគឺជាប្រទេសផ្គត់ផ្គង់ប្រេងឆៅធំជាងគេទី ៤ របស់កូរ៉េខាងត្បូងក្នុងឆ្នាំ ២០២១ បន្ទាប់ពីអារ៉ាប៊ីសាអូឌីត សហរដ្ឋអាមេរិក និងគុយវ៉ែត ។ ទិន្នន័យពីសមាគមពាណិជ្ជកម្មអន្តរជាតិកូរ៉េ (KITA) បានបង្ហាញថា ប្រទេសកូរ៉េខាងត្បូងបាននាំចូលប្រេងឆៅប្រហែល ៧.៩២ លានតោនពីប្រទេសរុស្ស៊ីកាលពីឆ្នាំមុនដែលមានតម្លៃប្រហែល ៤.២៧ ពាន់លានដុល្លារ ។

ជប៉ុន

រុស្ស៊ីគឺជាអ្នកផ្គត់ផ្គង់ប្រេងឆៅធំជាងគេទី ៥ របស់ប្រទេសជប៉ុនក្នុងឆ្នាំ ២០២១ ដែលមានចំនួន ៣.៦៣ ភាគរយ និង ៨.៨៤ ភាគរយនៃការនាំចូលសរុបរបស់ខ្លួន ហើយមានចំនួន ៤.១ ភាគរយនៃការនាំចេញប្រេងឆៅរបស់រុស្ស៊ី ។

ឥណ្ឌា

ឥណ្ឌាបាននាំចូលប្រេង ៤៣,៤០០ បារ៉ែលពីប្រទេសរុស្ស៊ីក្នុងឆ្នាំ ២០២១ ពោលប្រហែល ១ ភាគរយនៃការនាំចូលសរុបរបស់ខ្លួន ៕

ប្រែសម្រួលដោយ ៖ ជីវ័ន្ត

ប្រភព ៖ REUTERS

ចុចអាន ៖ លោក Zelensky ចង់ជួបលោក Putin ម្ដងទៀតដើម្បីបញ្ចប់សង្គ្រាម