ព័ត៌មានអន្ដរជាតិ
វិមានក្រឹមឡាំងចោទអង់គ្លេសកំពុងគំរាមសន្តិសុខនៅអឺរ៉ុប
រដ្ឋាភិបាលវិមានក្រឹមឡាំងបានព្រមានថា រដ្ឋាភិបាលទីក្រុងឡុងដ៍កំពុងបង្កការគំរាមកំហែងសន្តិសុខនៅអឺរ៉ុប។ ការចោទប្រកាន់នេះបានកើតមានឡើង បន្ទាប់ពីរដ្ឋមន្ត្រីក្រសួងការបរទេសអង់គ្លេសបានជំរុញដល់ប្រទេសលោកខាងលិចឲ្យផ្តល់សព្វាវុធធុនធំដល់ប្រទេសអ៊ុយក្រែន ខណៈមានការពង្រឹងសមត្ថភាពការពារជាតិនៅប្រទេសម៉ុលដាវី និងហ្សកហ្ស៊ី។
ថ្លែងទៅកាន់អ្នកកាសែតតាមទូរសព្ទកាលពីថ្ងៃព្រហស្បតិ៍ អ្នកនាំពាក្យរដ្ឋាភិបាលវិមានក្រឹមឡាំង លោក Dmitry Peskov បានលើកឡើងថា ៖«ទំនោខ្លួនឯងក្នុងការបញ្ជូនអាវុធ ក្នុងនោះមានអាវុធធុនធំជាដើមទៅប្រទេសអ៊ុយក្រែន និងប្រទេសផ្សេងទៀតគឺជាអ្វីម្យ៉ាងដែលគំរាមកំហែងដល់សន្តិសុខរបស់ទ្វីប និងបង្កអស្ថិរភាព»។
រដ្ឋមន្ត្រីក្រសួងការបរទេសអង់គ្លេស លោកស្រី Liz Truss បានថ្លែងសុន្ទករថាគួរឲ្យកត់សំគាល់កាលពីថ្ងៃពុធ។ លោកស្រីបានជំទាស់នឹងទស្សនៈថា ៖«យើងមិនគួរផ្តល់អាវុធធុនធំទេដោយសារភ័យខ្លាចពីការបង្កស្ថានភាពកាន់តែធ្ងន់ធ្ងរ» ប៉ុន្តែបានទទួចថា «ការមិនធ្វើសកម្មភាពនឹងកាន់តែបង្កស្ថានភាពខ្លាំងក្លាធំឡើង»នៅក្នុងកាលៈទេសៈបច្ចុប្បន្ន។
លោកស្រី Truss បានអះអាងថា ៖«ស្ថាបត្យកម្មដែលត្រូវបានតាក់តែងដើម្បីធានាសន្តិភាព និងភាពរុងរឿងនៅប្រទេសអ៊ុយក្រែនបានបរាជ័យហើយ»ដែលមានហេដ្ឋារចនាសម្ព័ន្ធផ្នែកសេដ្ឋកិច្ច និងសន្តិសុខត្រូវបានអភិវឌ្ឍ បន្ទាប់ពីសង្គ្រាមលោកលើកទី២ និងសង្គ្រាមត្រជាក់ទទួលរងការបំផ្លាញ។
ប្រការនេះ លោកស្រីបានលើកឡើងថា តម្រូវឲ្យមានវិធីសាស្ត្រថ្មីដែលដាក់បញ្ចូលសន្តិសុខផ្នែករឹង និងសន្តិសុខផ្នែកសេដ្ឋកិច្ច ព្រមទាំងរួមចំណែកដើម្បីបង្កើតសម្ព័ន្ធមិត្តសកលដ៏រឹងមាំ។ លោកស្រីបានជំរុញឲ្យប្រទេសសេរីឲ្យកាន់តែមានការអះអាង និងជឿទុកចិត្តខ្លួនឯង ព្រមទាំងកសាងយុទ្ធសាស្ត្ររបស់ខ្លួនលើដើម្បីបញ្ជាក់ថា ភូមិសាស្ត្រនយោបាយវិលត្រឡប់មកវិញ។
លោកស្រី Truss ក៏បានអះអាងថា ៖«សង្គ្រាមនៅអ៊ុយក្រែនជាសង្គ្រាមរបស់ពួកយើង»ដោយជ័យជម្នះរបស់ទីក្រុងកៀវគឺជាការចាំបាច់ផ្នែកយុទ្ធសាស្ត្រសម្រាប់អង់គ្លេស និងសម្ព័ន្ធមិត្ត។ លោកស្រីបានអំពាវនាវឲ្យបញ្ជូនសព្វាវុធមាន អាវុធវែង រថក្រោះ យន្តហោះចម្បាំងទៅប្រទេសអ៊ុយក្រែន។
ជាការឆ្លើយតបទៅនឹងការលើកឡើងរបស់រដ្ឋមន្ត្រីក្រសួងការបរទេសអង់គ្លេសខាងលើ រដ្ឋាភិបាលទីក្រុងមូស្គូបានថ្កោលទោសសាជាថ្មី។ រុស្ស៊ីបានទទួចថា ការបញ្ជូនសព្វាវុធគឺជាការរារាំងដល់ដំណើស្វែងរកសន្តិភាពនៅអ៊ុយក្រែន។
«ណាតូនឹងធ្វើសង្គ្រាមជាមួយរុស្ស៊ី តាមរយៈប្រូស៊ី និងបំពាក់អាវុធប្រូស៊ីនោះ។ សង្គ្រាមមានន័យថា សង្គ្រាម»។ រដ្ឋមន្ត្រីក្រសួងការបរទេសរុស្ស៊ី លោក Sergey Lavrov បាននិយាយកាលពីថ្ងៃចន្ទ៕
ប្រែសម្រួល៖ វីរបុត្រ
ប្រភព៖ RT
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម