រុស្ស៊ី មិនឲ្យពួកណាស៊ីចាប់កំណើតឡើងវិញដាច់ខាត បើអ្នកណាហ៊ាន ប្រឆាំងនឹងដឹងគ្នា

ឯកអគ្គរដ្ឋទូតរុស្ស៊ីប្រចាំនៅសហរដ្ឋអាមេរិកលោក Anatoly Antonov បាននិយាយកាលពីថ្ងៃអាទិត្យថា ប្រទេសរុស្ស៊ីនឹងមិនអនុញ្ញាតឲ្យពួកណាស៊ីកើតឡើងជាថ្មីនោះទេ ហើយនឹងប្រឆាំងជាដាច់ខាតអ្នកណាហ៊ានចំអកដល់ទាហានដែលបានកម្ចាត់ពួកនេះ ។

លោក Antonov បាននិយាយក្នុងអំឡុងពេលសន្និសីទអនឡាញថា “កាតព្វកិច្ចដ៏សំខាន់របស់យើងគឺរក្សាការពិតអំពីជ័យជម្នះលើពួកណាស៊ីអាល្លឺម៉ង់ ហើយការព្យាយាមចំអកឲ្យកេរ្តិ៍ដំណែលវីរភាពរបស់បុព្វបុរសរបស់យើង ប្រាកដជានឹងជួបនូវការតស៊ូដ៏រឹងមាំ” ។

ទន្ទឹនោះការលើកឡើងនេះកើតឡើង បន្ទាប់ពីឯកអគ្គរដ្ឋទូតសហរដ្ឋអាមេរិកប្រចាំអង្គការសហប្រជាជាតិលោកស្រី Linda Thomas-Greenfield បាននិយាយប្រមាថដល់ប្រជាជនរុស្ស៊ីចំពោះការប្រារព្ធ “ទិវាជ័យជម្នះ ៩ ឧសភា” ក្នុងប្រទេសរុស្ស៊ី ។

គួរបញ្ជាក់ថា នេះមិនមែនជាលើកទីមួយទេដែលមន្ត្រីជាន់ខ្ពស់អាមេរិកវាយប្រហារដោយពាក្យសំដីលើ “ទិវាជ័យជម្នះ” ដែលជាថ្ងៃបុណ្យជាតិដ៏សំខាន់បំផុតមួយនៅក្នុងប្រទេសរុស្ស៊ីដើម្បីរំឭកដល់ការបរាជ័យនៃពួកណាស៊ី និងការបញ្ចប់សង្គ្រាមលោកលើកទី ២ ។

ទន្ទឹមនោះកាលពីថ្ងៃសៅរ៍រដ្ឋមន្ត្រីការបរទេសអាមេរិកលោក Antony Blinken ក៏បាននិយាយដែរថា ប្រធានាធិបតីរុស្ស៊ីលោក Vladimir Putin កំពុងព្យាយាម “រៀបចំការចងចាំជាប្រវត្តិសាស្ត្រ” សម្រាប់ប្រតិបត្តិការយោធាពិសេសរបស់រុស្ស៊ីនៅអ៊ុយក្រែនដែលរហូតមកដល់ពេលនេះបានអូសបន្លាយពេលជាង ២ ខែកន្លងមកហើយ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ពិភពលោកកំពុងភ័យខ្លាចលោក ពូទីន ប្រកាសសង្គ្រាមក្នុង “ទិវាជ័យជម្នះ” ថ្ងៃនេះ