រុស្ស៊ី ឈប់ផ្គត់ផ្គង់ឧស្ម័នទៅ ហ្វាំងឡង់ ចាប់ពីថ្ងៃនេះទៅ

ក្រុមហ៊ុនថាមពលរដ្ឋហ្វាំងឡង់ Gasum បាននិយាយថា ប្រទេសរុស្ស៊ីនឹងបញ្ឈប់ការផ្គត់ផ្គង់ឧស្ម័នធម្មជាតិរបស់ខ្លួនទៅប្រទេសហ្វាំងឡង់នៅថ្ងៃសៅរ៍ទី២១ខែឧសភានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រទេសហ្វាំងឡង់ បានបដិសេធបង់ជាប្រាក់ រូបិ៍ល សម្រាប់ការផ្គត់ផ្គង់ ប៉ុន្តែការបញ្ឈប់នេះ ក៏កើតឡើងផងដែរ បន្ទាប់ពីរដ្ឋាភិបាលទីក្រុង ហែលស៊ិនគី ប្រកាស​ដាក់​ពាក្យ​ចូល​ជា​សមាជិក​អង្គការណាតូ។

ក្រុមហ៊ុន Gasum និយាយថា រឿងនេះគឺពិតជាគួរឲ្យសោកស្តាយណាស់ ប៉ុន្តែនឹងមិនមានការរំខានដល់អតិថិជនឡើយ បន្ទាប់ពីការកាត់ផ្តាច់នៅម៉ោង ០៤:០០ ព្រឹក (ម៉ោងនៅ ហ្វាំងឡង់)។

ទោះបីជាមានការលុកលុយអ៊ុយក្រែននៅថ្ងៃទី២៤ខែកុម្ភៈក៏ដោយ ក៏រុស្ស៊ីនៅតែបន្តផ្គត់ផ្គង់ឧស្ម័នដល់ប្រទេសអឺរ៉ុបជាច្រើន។

បន្ទាប់ពីមហាអំណាចលោកខាងលិចដាក់ទណ្ឌកម្មរុស្ស៊ីជុំវិញសង្រ្គាម រុស្ស៊ីបាននិយាយថា ប្រទេសអមិត្ត ត្រូវតែបង់ថ្លៃឧស្ម័នដោយប្រើរូបិយបណ្ណរុស្ស៊ី តែទង្វើនេះត្រូវបានសហភាពអឺរ៉ុបចាត់ទុកថាជាការគំរាមកំហែង។

ការពឹងផ្អែកលើថាមពលរបស់រុស្ស៊ី គឺជាកត្តារួមចំណែក ក្នុងវិបត្តិឡើងថ្លៃទំនិញ ដែលអ្នកប្រើប្រាស់ជាច្រើនកំពុងប្រឈមមុខ។

គួរបញ្ជាក់ថា ប្រទេសហ្វាំងឡង់ បាននាំចូលឧស្ម័នភាគច្រើនពីរុស្ស៊ី ប៉ុន្តែឧស្ម័នរួចចំណែក មិនដល់មួយភាគដប់ផងនៃការប្រើប្រាស់ថាមពលរបស់ប្រទេសនេះ៕

ប្រែសម្រួល៖ Vann Vann

ប្រភព៖ BBC

ចុចអាន៖ ទូរទស្សន៍រដ្ឋរុស្ស៊ី ថា ជម្លោះនៅអ៊ុយក្រែន គ្រាន់តែជាការហាត់សម សម្រាប់សង្គ្រាមលោក ជាមួយ ណាតូ ប៉ុណ្ណោះ