ព័ត៌មានអន្ដរជាតិ
Oxfam៖ រដ្ឋាភិបាលទូទាំងពិភពលោកត្រូវចាត់ការបន្ទាន់ដើម្បីដោះស្រាយវិសមភាព
រដ្ឋាភិបាលទូទាំងពិភពលោកត្រូវចាត់វិធានការបន្ទាន់ដើម្បីដោះស្រាយវិសមភាពកំពុងកើនឡើងដែលកើតចេញពីវិបត្តិកូវីដ-១៩ជាមួយនឹងតម្លៃថាមពល និងម្ហូបអាហារខ្ពស់ក្លាយជាសម្ពាធលើមនុស្សរាប់រយលាននាក់ទូទាំងពិភពលោក។ អង្គការ Oxfam បាននិយាយនៅថ្ងៃចន្ទ ទី២៣ ខែឧសភា។
របាយការណ៍ដែលចេញផ្សាយដោយអង្គការសប្បុរសធម៌ដែលមានមូលដ្ឋាននៅទីក្រុងណៃរ៉ូប៊ី ស្របពេលអ្នកបង្កើតគោលនយោបាយ និងប្រធានឧស្សាហកម្មទៅដល់ទីក្រុង Davos ប្រទេសស្វីសដើម្បីចូលរួមវេទិកាសេដ្ឋកិច្ចពិភពលោកប្រចាំឆ្នាំ (WEF) បានរកឃើញថា ចំនួនមហាសេដ្ឋីបានកើនឡើង៥៧៣នាក់ទៅលើចំនួនក្រោម២៧០០នាក់ពីឆ្នាំ២០២០។
អង្គការសប្បុរសធម៌បានរកឃើញនៅក្នុងទិន្នន័យវិភាគរបស់ Forbes បានបង្ហាញថា ទ្រព្យសម្បត្តិសរុបរបស់មហាសេដ្ឋីបានកើនឡើងជិត៣.៨ទ្រីលានដុល្លារអាមេរិកទៅ១២.៧ទ្រីលានដុល្លារអាមេរិក។ អ្នកស្ថិតក្នុងវិស័យម្ហូបអាហារ និងថាមពលកំពុងរីករាយចំពោះតម្លៃរបស់ខ្លួនដែលកើនឡើង។
Oxfam បាននិយាយថា ទន្ទឹមជាមួយគ្នានេះ ការរួមបញ្ចូលគ្នានៃជំងឺកូវីដ-១៩ វិសមភាពកំពុងកើនឡើង និងតម្លៃម្ហូបអាហារកំពុងកើនឡើង អាចនាំឲ្យមនុស្សយ៉ាងច្រើនរហូតដល់២៦៣លាននាក់ធ្លាក់ចូលក្នុងភាពក្រីក្រយ៉ាងខ្លាំងនៅក្នុងឆ្នាំ២០២២។ ទាំងនេះបញ្ច្រាសនឹងការរីកចម្រើនរាប់ទសវត្សរ៍មកហើយ។
អ្នកសរសេររបាយការណ៍បាននិយាយថា ៖«មនុស្សរាប់លាននាក់ជុំវិញពិភពលោកកំពុងប្រឈមនឹងវិបត្តិនៃតម្លៃរស់នៅដោយសារតែផលប៉ះពាល់នៃជំងឺរាតត្បាត និងតម្លៃទំនិញកំពុងកើន រាប់ទាំងតម្លៃម្ហូបអាហារ និងថាមពល។ តាមពិតទៅវិសមភាពអាក្រក់តាំងពីមុនជំងឺកូវីដ-១៩មក ដូច្នេះវាកាន់តែឈានដល់កម្រិតថ្មី»។
តម្លៃម្ហូបអាហារដែលបាន និងកំពុងកើនឡើងអំឡុងពេលការរឹតត្បិតជំងឺកូវីដ-១៩ និងអាកាសធាតុអាក្រក់ កត្តាមួយទៀតគឺការវាយប្រហាររបស់រុស្ស៊ីនៅអ៊ុយក្រែនដែលធ្វើឲ្យប៉ះពាល់ដល់ការផ្គត់ផ្គង់គ្រាប់ធញ្ញជាតិ និងប្រេង។
ធនាគារពិភពលោកបានកំណត់ថា អ្នកក្រីក្រខ្លាំងបំផុតរស់នៅប្រចាំថ្ងៃជាមួយនឹងការចំណាយតិចជាង១.៩០ដុល្លារក្នុងមួយថ្ងៃ។
របាយការណ៍បានលើកឡើងថា ៖«ចំណាត់ការបន្ទាន់ និងជារចនាសម្ព័ន្ធតែមួយគត់ដែលរដ្ឋាភិបាលត្រូវធ្វើឥឡូវនេះគឺត្រូវអនុវត្តវិធានការពន្ធដារដែលមានវឌ្ឍនភាពខ្ពស់ត្រូវបានប្រើក្នុងការវិនិយោគដ៏មានឥទ្ធិពល និងបង្ហាញឲ្យឃើញពីការកាត់បន្ថយវិសមភាព ដូចជាការការពារសង្គម និងការថែទាំសុខភាពសកល»។
វេទិកា WEF ដែលមានមូលដ្ឋាននៅទីក្រុងហ្សឺណែវ និយាយថា កិច្ចប្រជុំដែលកើតឡើងជាលើកដំបូងក្នុងរយៈពេលជាង ២ ឆ្នាំដោយសារកូវីដ-១៩ នឹងប្រមូលផ្តុំមេដឹកនាំ និងអ្នកជំនាញជាង ២០០០ នាក់មកពីជុំវិញពិភពលោក៕
ប្រែសម្រួល៖ វីរបុត្រ
ប្រភព៖ Reuters
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង