ព័ត៌មានអន្ដរជាតិ
មកដឹងប្រទេសអឺរ៉ុបមានតម្លៃឧស្ម័នថោកជាងគេ តែមិនមែន រុស្ស៊ី
យោងតាមការសិក្សាថ្មីមួយរបស់សារព័ត៌មាន Sputnik បានឲ្យដឹងថា រុស្ស៊ីស្ថិតនៅលំដាប់ទី ២ ជាប្រទេសដែលមានតម្លៃឧស្ម័នទាបបំផុតសម្រាប់មហាជន ខណៈកាហ្សាក់ស្ថានជាប្រទេសជាប់ចំណាត់ថ្នាក់លេខ ១ ។
ការសិក្សានេះបាននិយាយថា “តម្លៃឧស្ម័នថោកបំផុតគឺនៅក្នុងប្រទេសកាហ្សាក់ស្ថាន ដែលវាមានតម្លៃ ៤.១ រូបិ៍ល (០.០៦៦ ដុល្លារ) ក្នុងមួយម៉ែត្រគូប ហើយប្រទេសរុស្ស៊ីស្ថិតនៅលំដាប់ទី ២ ជាមួយនឹងតម្លៃ ៦.៧ រូបិ៍លក្នុងមួយម៉ែត្រគូប ។ ប្រទេសបេឡារុសស្ថិតនៅលំដាប់ទី ៣ ដែលឧស្ម័នមានតម្លៃថ្លៃជាងនៅប្រទេសរុស្ស៊ីចំនួន ៣ រូបិ៍ល ខណៈប្រទេសទាំង ៥ ដែលមានឧស្ម័នថោកបំផុតក៏មាន តួកគី និងហុងគ្រីផងដែរ ។
ការសិក្សានេះបញ្ជាក់ថា “លទ្ធភាពទទួលបានឧស្ម័នសម្រាប់អ្នកប្រើប្រាស់គឺត្រូវបានកំណត់ដោយមិនត្រឹមតែតម្លៃរបស់វាប៉ុណ្ណោះទេ ថែមទាំងតាមកម្រិតនៃប្រាក់ចំណូលទៀតផង ហើយបើគិតតាមប្រាក់ខែជាមធ្យមវិញ ប្រជាជនកាហ្សាក់ស្ថានអាចទិញឧស្ម័នបាន ៨.៦ ពាន់ម៉ែត្រគូប ខណៈប្រទេសរុស្ស៊ីស្ថិតនៅលំដាប់ទី ២ អាចទិញបាន ៧.៤ ពាន់ម៉ែត្រគូប” ។
ចំណែកចក្រភពអង់គ្លេស លុចសំបួរ និងអូទ្រីស ជាប់ចំណាត់ថ្នាក់ខ្ពស់ទាក់ទងនឹងលទ្ធភាពទទួលបានឧស្ម័ន ខណៈប្រទេសម៉ុលដាវីគឺស្ថិតនៅចុងក្រោយបញ្ជីនៃប្រទេសមានតម្លៃឧស្ម័នថ្លៃជាងគេនៅអឺរ៉ុប ដោយប្រាក់ខែជាមធ្យមនៃពលរដ្ឋរបស់ប្រទេសនេះអាចទិញឧស្ម័នតិចបំផុត ពោលបានតែ ៨៥៨ ម៉ែត្រគូបប៉ុណ្ណោះ ។
ជាចុងក្រោយការសិក្សាបង្ហាញថា តម្លៃឧស្ម័ននៅអឺរ៉ុបនឹងនៅលើសពីមធ្យមភាគឆ្នាំមុនៗ ហើយអាចបន្តរហូតដល់ចុងឆ្នាំ ២០២២ ។ កាលពីឆ្នាំមុន តម្លៃឧស្ម័នបានកើនឡើងជាង ៣៥ ភាគរយក្នុងប្រទេសចំនួន ១១ ខណៈកំណើនថ្លៃដើមនៅរុស្ស៊ីមានចំនួន ២.៦ ភាគរយ ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ ទីក្រុងភាគខាងកើតមួយទៀតរបស់ អ៊ុយក្រែន ស្ទើរតែ ១០០ ភាគរយ ធ្លាក់ក្នុងកណ្ដាប់ដៃ រុស្ស៊ី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ