ព័ត៌មានអន្ដរជាតិ
ចម្លើយសារភាពថ្មី ៖ ខ្មាន់កាំភ្លើងធ្លាប់បរាជ័យផែនការសម្លាប់លោក Abe ម្ដងហើយ
ជនដៃដល់នៅក្នុងការបាញ់ប្រហារលើអតីតនាយករដ្ឋមន្ត្រីជប៉ុនលោក Abe Shinzo បានសារភាពទៀតថា រូបគេក៏បានទៅកន្លែងធ្វើយុទ្ធនាការមួយនៅភាគខាងលិចនៃទីក្រុង Okayama ដើម្បីធ្វើឃាតលោក Abe ផងដែរ ពោលមួយថ្ងៃមុនហេតុការណ៍កើតឡើងនៅទីក្រុង Nara ។
ជនដៃដល់ឈ្មោះ Yamagami Tetsuya អាយុ ៤១ ឆ្នាំដែលត្រូវបានចាប់ខ្លួនភា្លមៗ បន្ទាប់ពីបើកការបាញ់ប្រហារលើលោក Abe បាននិយាយបន្ថែមថា ប៉ុន្តែរូបគេបានបោះបង់ផែនការនោះទៅវិញ ដោយសារតែច្រកចូលមានការពិនិត្យតឹងតែង ។
Yamagami បានប្រាប់ប្រភពស៊ើបអង្កេតថា ប៉ុន្មានថ្ងៃមុនការបាញ់សម្លាប់លោក Abe នៅទីក្រុង Nara អំឡុងពេលគាត់កំពុងថ្លែងសុន្ទរកថាលើដងផ្លូវ, រូបគេបានទៅទីក្រុង Okayama ក្នុងគោលបំណងសម្លាប់អតីតនាយករដ្ឋមន្ត្រីវ័យ ៦៧ ឆ្នាំរូបនេះ ប៉ុន្តែជនដៃដល់គិតថា មានការពិបាក ដោយសារតែច្រកចូលបរិវេណឃោសនារបស់លោក Abe គឺមានការត្រួតពិនិត្យ និងឆែកឆេរតឹងរ៉ឹង ។
ប្រភពបាននិយាយថា ក្នុងបរិវេណឃោសនានៅទីក្រុង Okayama, អ្នកចូលរួមត្រូវសរសេរឈ្មោះ និងអាសយដ្ឋានរបស់ពួកគេ នៅពេលចូល ។ ជាក់ស្តែង Yamagami មានការគិតច្បាស់លាស់ ហើយមិនបានចូលទៅក្នុងកន្លែងនោះទេ ដោយសារមិនបានសរសេរ ឬចុះឈ្មោះសម្រាប់ចូលរួមព្រឹត្តិការណ៍នោះ ។
ជាចុងក្រោយក្រុមអ្នកស៊ើបអង្កេតបានបញ្ជាក់ថា ដូច្នេះជនសង្ស័យអាចរង់ចាំឱកាសសម្លាប់អតីតនាយករដ្ឋមន្ត្រីមួយរយៈសិន ដើម្បីស្វែងរកកន្លែងងាយស្រួល និងត្រឹមត្រូវដើម្បីសម្រេចផែនការ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ ប៉ូលិសយាមមិនចាប់អារម្មណ៍ ឬស្គាល់ជនដៃដល់ ទើបឈានដល់ការបាញ់ សម្លាប់លោក Abe
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២១ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានជាតិ១៩ ម៉ោង ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»