ព័ត៌មានអន្ដរជាតិ

អាមេរិក កាត់បន្ថយនាំចេញឧស្ម័ន ១៥ ម៉ឺនតោនទៅ អឺរ៉ុប

បានផុស

២ years មុន

នៅ

ថ្ងៃអាទិត្យ ១៧ កក្កដា ២០២២

ដោយ

សហរដ្ឋអាមេរិក នឹងកាត់បន្ថយការនាំចេញឧស្ម័នធម្មជាតិរាវ (LNG) ទៅកាន់អឺរ៉ុបចំនួន ១៥ ម៉ឺនតោនក្នុងខែកក្កដា បន្ទាប់ពីឧបទ្ទវហេតុនៅរោងចក្រ Freeport LNG ដែលមានមូលដ្ឋាននៅរដ្ឋតិចសាស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងថាមពលអាមេរិកបាននិយាយថា ការបិទរោងចក្រនេះ នឹងកាត់បន្ថយសមត្ថភាពនាំចេញ LNG របស់ប្រទេសប្រហែល ២ ពាន់លានហ្វីតគូបក្នុងមួយថ្ងៃ ឬប្រហែល ១៧% នៃសមត្ថភាពសរុប។ ក្រសួងបានបន្ទាបការព្យាករណ៍ការនាំចេញរបស់ខ្លួនសម្រាប់ឆមាសទីពីរនៃឆ្នាំនេះ មកត្រឹមជាមធ្យម ១០.៥ពាន់លានហ្វីតគូបក្នុងមួយថ្ងៃ ពោលគឺថយចុះ ១៤% បើធៀបនឹងការព្យាករណ៍ខែមិថុនា។ “

សរុបមក នៅឆមាសទីមួយនៃឆ្នាំ ២០២២ ឧស្ម័ន LNG ៦៥លានតោន ត្រូវបានបញ្ជូនទៅអឺរ៉ុប ដែលក្នុងនោះ ៩ លានតោន នៅក្នុងខែមិថុនា។ ការថយចុះមួយចំនួន – ក្នុង ១៥ ម៉ឺនតោន – អាចត្រូវបានគេរំពឹងទុកនៅក្នុងខែកក្កដាដោយសារតែការបោះបង់ចោលរោងចក្រ Freeport ។

ដោយឡែក អ្នកជំនាញថាមពលនៅក្រុមហ៊ុនរុស្ស៊ី Vygon Consulting លោក Ivan Timonin បានប្រាប់ Sputnik កាលពីថ្ងៃសៅរ៍ថា Freeport LNG ជាប្រតិបត្តិករនៃរោងចក្រ LNG ដ៏ធំបំផុតមួយរបស់សហរដ្ឋអាមេរិក បានប្រកាសថានឹងបិទ បន្ទាប់ពីអគ្គីភ័យបានកើតឡើង នៅថ្ងៃទី ៨ ខែមិថុនានៅរោងចក្រ ខណៈពេលដែលការស្ដារឡើងវិញពេញលេញនៃការងារ មិនត្រូវបានរំពឹងទុក រហូតដល់ទីបញ្ចប់នៃឆ្នាំនេះ។

លោក Timonin បានបន្ថែមថា នៅក្នុងឆមាសទីមួយនៃឆ្នាំ ២០២២ អឺរ៉ុបគឺជាទីផ្សារអាទិភាពសម្រាប់សហរដ្ឋអាមេរិក ខណៈប្រហែល ៧០% នៃ LNG ទាំងអស់ដែលផលិតនៅសហរដ្ឋអាមេរិក ត្រូវបានបញ្ជូនទៅក្នុងតំបន់។ លោកក៏បាននិយាយថា នៅក្នុងការប្រៀបធៀបបរិមាណនៃការនាំចេញ LNG សម្រាប់រយៈពេលដូចគ្នា កាលពីឆ្នាំមុន គឺ ៣៣% ៕

ប្រែសម្រួល៖ សាង ស្រីល័ក្ខ

ប្រភព៖sputnik

ចុចអាន៖លោក Biden មិនអាចជួយបញ្ចុះតម្លៃប្រេងក្នុងកិច្ចប្រជុំកំពូលអារ៉ាប់