Connect with us

ព័ត៌មានអន្ដរជាតិ

ពេលនេះ លោកស្រី Pelosi ទៅដល់សភាតៃវ៉ាន់ ហើយ (មានវីដេអូ)

បានផុស

នៅ

ប្រធានសភាអាមេរិក លោកស្រី Nancy Pelosi បានចាប់ផ្តើមដំណើរទស្សនកិច្ចនៅកោះតៃវ៉ាន់ហើយ ដោយនៅពេលនេះ លោកស្រីបានទៅដល់សភា របស់ទីក្រុងតៃប៉ិ។

ប្រធានសភាអាមេរិក លោកស្រី Nancy Pelosi
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី Pelosi ដែលបានទៅដល់ទីក្រុងតៃប៉ិកាលពីយប់ថ្ងៃអង្គារទី០២ខែសីហា ត្រូវបានគេរំពឹងថានឹងជួបជាមួយអ្នកនយោបាយ និងសកម្មជនក្នុងអំឡុងពេលធ្វើដំណើរទៅកាន់កោះតៃវ៉ាន់ ខណៈដំណើរទស្សនកិច្ចនេះបានបង្កឲ្យមានការឆ្លើយតបយ៉ាងខ្លាំងក្លាពីសំណាក់ទីក្រុងប៉េកាំង។

លោកស្រី និងសមាជិកសភាអាមេរិកចំនួនប្រាំរូប នឹងជួបជាមួយអនុប្រធានសភាតៃវ៉ាន់លោក Tsai Chi-chang បន្ទាប់ពីប្រធានសភាលោក Yu Shyi-kun បានធ្វើតេស្តវិជ្ជមានជំងឺកូវីដ១៩។

អនុប្រធានសភាតៃវ៉ាន់លោក Tsai Chi-chang

នៅម៉ោង ១០:៣០ ព្រឹក (ម៉ោងនៅតៃវ៉ាន់) គណៈប្រតិភូរបស់លោកស្រី Pelosi ត្រូវបានគេរំពឹងថានឹងជួបជាមួយប្រធានាធិបតីតៃវ៉ាន់ លោកស្រី Tsai Ing-wen បន្ទាប់មកជួបជាមួយអ្នកសារព័ត៌មានមួយក្រុមតូចនៅម៉ោង ១០:៥០ព្រឹក។

លោកស្រី Pelosi នឹងទទួលទានអាហារថ្ងៃត្រង់ជាមួយលោកស្រី Tsai មុនពេលធ្វើដំណើរទៅកាន់ឧទ្យានសិទ្ធិមនុស្សក្នុងទីក្រុងតៃប៉ិនៅម៉ោង ២ រសៀល ដោយនៅទីនោះ លោកស្រីនឹងជួបសកម្មជនសិទ្ធិមនុស្សជាច្រើននាក់៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ SCMP

ចុចអាន៖ ចិន នឹង ធ្វើ គ្រប់យ៉ាង ដើម្បី បង្រួបបង្រួម តៃវ៉ាន់ ដោយ សន្តិវិធី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម