Connect with us

ព័ត៌មានអន្ដរជាតិ

ប្រភព៖ លោក ស៊ី និង បៃដិន នឹងជួបទល់មុខគ្នាជាលើកដំបូងនៅ អាស៊ីអាគ្នេយ៍ ក្នុងខែវិច្ឆិកា (មានវីដេអូ)

បានផុស

នៅ

ក្រុមមន្ត្រីនៅទីក្រុងប៉េកាំង កំពុងរៀបចំសម្រាប់កិច្ចប្រជុំទល់មុខគ្នាជាលើកដំបូង រវាងមេដឹកនាំចិន លោក ស៊ី ជីនពីង និងប្រធានាធិបតីអាមេរិកលោក ចូ បៃដិន នៅតំបន់អាស៊ីអាគ្នេយ៍ក្នុងខែវិច្ឆិកា។ នេះបើតាមសេចក្តីរាយការណ៍របស់កាសែត Wall Street Journal ដោយដកស្រង់ប្រភពដែលដឹងអំពីរឿងនេះ។

ប្រធានាធិបតីអាមេរិកលោក ចូ បៃដិន (ឆ្វេង) និងប្រធានាធិបតីចិនលោក ស៊ី ជីនពីង
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភព ជំនួបរវាងមេដឹកនាំទាំងពីរ ដែលជាការជួបផ្ទាល់លើកដំបូង ចាប់តាំងពីការចូលកាន់តំណែងរបស់លោក បៃដិន ក្នុងខែមករា ឆ្នាំ ២០២១ អាចធ្វើឡើងនៅខាងក្រៅកិច្ចប្រជុំ G20 នៅកោះបាលី ប្រទេសឥណ្ឌូណេស៊ី នាថ្ងៃទី១៥និង១៦ខែវិច្ឆិកា ឬកិច្ចប្រជុំកំពូលកិច្ចសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក ដែលនឹងប្រព្រឹត្តទៅនៅពីរថ្ងៃបន្ទាប់ ក្នុងទីក្រុងបាងកក ប្រទេសថៃ។

ទោះបីជាយ៉ាងណាក៏ដោយ ការរៀបចំគឺកំពុងស្ថិតនៅដំណាក់កាលដំបូង ហើយកាលវិភាគរបស់លោក ស៊ី អាចផ្លាស់ប្តូរគ្រប់ពេល។

ប្រធានាធិបតីចិនលោក ស៊ី ជីនពីង

លោក ស៊ី មិនបានចូលរួមកិច្ចប្រជុំកំពូលណាមួយសោះអស់រយៈពេលជាង២ឆ្នាំមកហើយ ដោយសារតែការព្រួយបារម្ភអំពីជំងឺកូវីដ១៩។ នេះបើតាមសម្តីមនុស្សជិតស្និទ្ធនឹងប្រធានាធិបតីចិន ប្រាប់ទៅ WSJ។

ប្រភពបានពន្យល់ថា ទោះយ៉ាងណា បន្ទាប់ពីអវត្តមានយូរមកហើយនោះ ឥឡូវនេះ លោក ស៊ី ចង់កសាងទំនាក់ទំនងផ្ទាល់ខ្លួនឡើងវិញជាមួយមេដឹកនាំក្នុងតំបន់។

ប្រធានាធិបតីចិនលោក ស៊ី ជីនពីង

ជាផ្នែកនៃកិច្ចខិតខំប្រឹងប្រែងនេះ លោក ស៊ី ត្រូវបានគេរំពឹងថា នឹងធ្វើទស្សនកិច្ចប្រទេសមួយចំនួនក្នុងអំឡុងពេលដំណើរទស្សនកិច្ចរបស់លោក ដើម្បីជួបជាមួយឥស្សរជនកំពូល។

ថ្វីបើ​មិន​ទាន់​បាន​ជួប​ទល់​មុខ​គ្នា​ក៏​ដោយ ប៉ុន្តែលោក បៃដិន និងលោក ស៊ី បាននិយាយ​ទូរស័ព្ទជាមួយគ្នា​ច្រើន​លើកមកហើយ។ ក្នុងអំឡុងពេលនៃការសន្ទនាលើកចុងក្រោយកាលពីថ្ងៃទី ២៨ ខែកក្កដាចំពេលមានរបាយការណ៍ថា ប្រធានសភាលោកស្រី Nancy Pelosi នឹងទៅបំពេញទស្សនកិច្ចនៅកោះតៃវ៉ាន់, មេដឹកនាំចិនបានព្រមានសមភាគីអាមេរិក កុំឲ្យលេងជាមួយភ្លើង ដោយនិយាយថា កោះនេះគឺជាផ្នែកមួយនៃប្រទេសចិន ហើយថាទីក្រុងប៉េកាំង នឹងមិនអត់ឱនចំពោះការរំលោភបំពានណាមួយប្រឆាំងនឹងបូរណភាពទឹកដីរបស់ខ្លួនដាច់ខាត៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ RT

ចុចអាន៖ ចិន ព្រមាន ជាថ្មី! ខ្លួនត្រៀមរួចហើយ ក្នុង ការដណ្តើម យក កោះ តៃវ៉ាន់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ នាទី មុន

ផ្លូវ​ប្រប​មាត់​ព្រែក​ពី​គល់​ស្ពាន​ថ្មី​ដល់​ស្ពាន​ចាស់ រួម​ជា​មួយ​សួន​កម្សាន្ត និង​លេច​រូបរាង​​ឆាប់​ៗក្នុងខេត្តកំពត

ព័ត៌មានជាតិ១៦ នាទី មុន

ដីព្រៃ​ក្នុង​ដែន​ជម្រក​សត្វព្រៃ​គូលែន​-​ព្រហ្ម​ទេព ក្បែរ​បរិស្ថាន​តា​កឹង កំពុង​រង​ការ​ឈូសឆាយ​កាប់បំផ្លាញ

ព័ត៌មានជាតិ១ ម៉ោង មុន

កម្ពុជា-ថៃ ជួបប្រជុំ​ទ្វេភាគី​លើក​ទី​១៤​ស្តីពី​កិច្ចសហប្រតិបត្តិការ​ប្រយុទ្ធ​ប្រឆាំង​គ្រឿងញៀន

ព័ត៌មានជាតិ១ ម៉ោង មុន

រដ្ឋមន្ត្រីក្រសួងកសិកម្ម៖ យុត្តិធម៌​សម្រាប់​មន្ដ្រី​ស្អាតស្អំ មិន​អាច​កាត់​ថ្លៃ​បាន​ទេ

ព័ត៌មានអន្ដរជាតិ១ ម៉ោង មុន

សិង្ហបុរី ប្រកាសថា ខ្លួននឹងស៊ើបអង្កេតករណីកប៉ាល់កុងតឺន័រ Dali បុកជាមួយស្ពាន Francis Scott Key

Sokha Hotels

ព័ត៌មានពេញនិយម