ព័ត៌មានអន្ដរជាតិ
ចិន ព្រមានជាថ្មី! ខ្លួនត្រៀមរួចហើយ ក្នុងការដណ្តើមយក កោះតៃវ៉ាន់ (មានវីដេអូ)
ប្រទេសចិន បានចេញការគំរាមថ្មីបំផុតរបស់ខ្លួនចំពោះតៃវ៉ាន់ ដោយព្រមានថា ខ្លួនត្រៀមរួចហើយក្នុងការប្រើគ្រប់មធ្យោបាយចាំបាច់ ដើម្បីដណ្តើមយកកោះនេះ។
ឯកអគ្គរដ្ឋទូតថ្មីរបស់ទីក្រុងប៉េកាំង ប្រចាំប្រទេសអូស្ត្រាលី លោក Xiao Qian មិនបានច្រានចោលការប្រើប្រាស់កម្លាំងឡើយ បន្ទាប់ពីដំណើរទស្សនកិច្ចកាលពីសប្តាហ៍មុនដោយអ្នកនយោបាយជាន់ខ្ពស់អាមេរិកលោកស្រី Nancy Pelosi បានជំរុញឲ្យមានភាពតានតឹងបន្ថែមទៀត ហើយនាំឲ្យចិនធ្វើសមយុទ្ធបាញ់គ្រាប់ពិតធំបំផុតមិនធ្លាប់មាន នៅជុំវិញកោះតៃវ៉ាន់។
បន្ទាប់ពីសមយុទ្ធយោធារយៈពេលប្រាំមួយថ្ងៃ លោក Xiao Qian និយាយថា “យើងមិនអាចច្រានចោលជម្រើសក្នុងការប្រើប្រាស់មធ្យោបាយផ្សេងទៀតបានទេ។ ដូច្នេះនៅពេលចាំបាច់ នៅពេលដែលមានការបង្ខិតបង្ខំ យើងត្រៀមខ្លួនរួចជាស្រេចក្នុងការប្រើប្រាស់គ្រប់មធ្យោបាយចាំបាច់។ តើមានន័យយ៉ាងណាចំពោះ មធ្យោបាយចាំបាច់? អ្នកសាកស្រមៃមើលទៅ”។
បេសកជនរូបនេះបានអះអាងទៀតថា “ចិនបានអត់ធ្មត់ខ្លាំងណាស់ ខណៈពេលរង់ចាំការបង្រួបបង្រួមដោយសន្តិវិធី។ ប្រជាជនភាគច្រើននៅតៃវ៉ាន់ជឿថា ពួកគេជាជនជាតិចិន ហើយសមនឹងនិយាយអំពីអនាគតរបស់ពួកគេ ថ្វីបើអ្នកខ្លះប្រឆាំងយ៉ាងដាច់អហង្ការ ចំពោះការបង្រួបបង្រួមក៏ដោយ”។
ដោយឡែក សេចក្តីថ្លែងការណ៍ខ្លាំងៗ ដែលចេញដោយការិយាល័យកិច្ចការតៃវ៉ាន់របស់ប្រទេសចិន ក៏បានបដិសេធក្នុងការច្រានចោលការប្រើប្រាស់កម្លាំងផងដែរ។ សេចក្តីថ្លែងការណ៍នោះបន្ថែមថា “មិនធ្លាប់មានពីមុនមកទេ ពេលនេះយើងនៅកាន់តែជិត កាន់តែជឿជាក់ និងមានសមត្ថភាពដើម្បីសម្រេចបាននូវគោលដៅនៃការស្តារជាតិឡើងវិញ”។
ចាប់តាំងពីថ្ងៃព្រហស្បតិ៍សប្តាហ៍មុនមក ប្រទេសចិនបានបញ្ជូននាវា និងយន្តហោះឆ្លងកាត់ខ្សែបន្ទាត់មិនផ្លូវការដែលពុះចែកឆ្នេរសមុទ្រ ហើយមីស៊ីលបានហោះលើទីក្រុងតៃប៉ិ និងចូលទៅក្នុងដែនទឹកជុំវិញកោះតៃវ៉ាន់។
តៃវ៉ាន់ ក៏បានធ្វើសមយុទ្ធកាំភ្លើងធំផងដែរកាលពីថ្ងៃអង្គារ ដែលក្លែងធ្វើជាការការពារប្រឆាំងនឹងការវាយប្រហារលើខ្លួន ខណៈមេដឹកនាំរបស់ខ្លួនបានប្តេជ្ញាថា ពួកគេមិនភ័យខ្លាច មហាអំណាចជិតខាងរបស់ពួកគេសូម្បីបន្តិច៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Daily Mail
ចុចអាន៖ ចិន ហៅអាមេរិក ថាជា “អ្នកញុះញង់ខ្លាំងជាងគេបំផុត” ក្នុងវិបត្តិ រុស្ស៊ី-អ៊ុយក្រែន
-
ព័ត៌មានជាតិ១៧ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)