ព័ត៌មានអន្ដរជាតិ
ប្រធានាធិបតីតៃវ៉ាន់ អរគុណកងទ័ពជើងទឹក ចំពេលមានសម្ពាធ “មិនអាចពណ៌នាបាន” ពី ចិន (មានវីដេអូ)
ប្រធានាធិបតីតៃវ៉ាន់ លោកស្រី Tsai Ing-wen បានទៅសួរសុខទុក្ខនាវិក នៅក្នុងកងនាវាចររបស់កោះនេះ ដើម្បីថ្លែងអំណរគុណចំពោះកិច្ចខិតខំប្រឹងប្រែងរបស់ពួកគេ ចំពេលមានការធ្វើសមយុទ្ធយោធារយៈពេលច្រើនថ្ងៃដោយប្រទេសចិន។ ក្នុងអំឡុងពេលនោះ លោកស្រីបានហៅសម្ពាធ ដែលកងទ័ពជើងទឹកតៃវ៉ាន់ កំពុងជួបប្រទះថា “មិនអាចពណ៌នាបាន”។
ប្រទេសចិន ដែលអះអាងថាកោះតៃវ៉ាន់ជាទឹកដីរបស់ខ្លួន បាននិងកំពុងរៀបចំសមយុទ្ធក្នុងខែនេះ ដើម្បីបង្ហាញពីកំហឹងរបស់ខ្លួន ចំពោះដំណើរទស្សនកិច្ចទៅកាន់ទីក្រុងតៃប៉ិ ដោយប្រធានសភាអាមេរិក លោកស្រី Nancy Pelosi។
អំឡុងដំណើរទៅមូលដ្ឋានកងទ័ពជើងទឹក Suao នៅឆ្នេរសមុទ្រភាគឦសានរបស់កោះតៃវ៉ាន់កាលពីល្ងាចថ្ងៃព្រហស្បតិ៍ទី១៨ខែសីហា លោកស្រី Tsai បានប្រាប់នាវិកថា ការបំពេញបេសកកម្មរបស់ពួកគេនៅក្នុងកន្លែងមានកប៉ាល់ចង្អៀត ត្រូវតែមានការលំបាក។
លោកស្រី Tsai បន្តថា “ចំពេលប្រឈមមុខនឹងការយាយី និងការបង្កហេតុរបស់ចិននៅខាងក្រៅដែនទឹករបស់តៃវ៉ាន់, វាកាន់តែចាំបាច់ក្នុងការតាមដានសក្ដានុពលនៃកប៉ាល់សត្រូវគ្រប់ពេលវេលា។ សម្ពាធគឺខ្លាំងណាស់ មិនអាចពិពណ៌នាបានឡើយ”។
លោកស្រីបន្ថែមថា យោធាបានបង្ហាញពីភាពក្លាហានដ៏រឹងមាំ និងមិនរាថយ ហើយបានឆ្លើយតបដោយស្ងប់ស្ងាត់ ការពារសន្តិសុខដែនសមុទ្រ និងរក្សាសន្តិភាពក្នុងតំបន់។
“តៃវ៉ាន់ ប្រៀបដូចជានាវាកងទ័ពជើងទឹកអ៊ីចឹង។ ទោះបីជាពេលខ្លះវាជួបនឹងខ្យល់ព្យុះ និងរលកដែលមិនអាចទាយទុកជាមុនបានក៏ដោយ ដរាបណាសមមិត្តនៅលើនាវាមានសាមគ្គីភាព ពួកគេអាចយកឈ្នះលើគ្រប់ឧបសគ្គដែលនៅចំពោះមុខពួកគេ។ នេះជាទឹកចិត្តរបស់ប្រជាជនតៃវ៉ាន់ ប៉ុន្តែក៏ជាស្មារតីរបស់មន្ត្រីកងទ័ពជើងទឹក និងនាវិកផងដែរ”។
គួរបញ្ជាក់ថា ទោះបីជាទំហំសមយុទ្ធរបស់ចិន ត្រូវបានកាត់បន្ថយច្រើនពីដើមខែក៏ដោយ ប៉ុន្តែតៃវ៉ាន់នៅតែបន្តរាយការណ៍អំពីយន្តហោះចម្បាំង និងនាវាចម្បាំងរបស់ចិន ដែលកំពុងប្រតិបត្តិការជុំវិញកោះនេះ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ CNA
ចុចអាន៖ ចិនព្រមានថា បើ អង់គ្លេស និងអាមេរិក ជ្រៀតជ្រែកបញ្ហាកោះតៃវ៉ាន់ សង្គ្រាមនឹងផ្ទុះឡើង
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២៣ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២១ ម៉ោង ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ