ព័ត៌មានអន្ដរជាតិ
ប៉ាគីស្ថាន ប្រកាសអាសន្នថ្នាក់ជាតិ ក្រោយអ្នកស្លាប់ពីទឹកជំនន់កើនលើស ៩០០ នាក់
ប្រទេសប៉ាគីស្ថានបានប្រកាសអាសន្នថ្នាក់ជាតិ និងបានអំពាវនាវដល់កងទ័ពឲ្យជួយដល់រដ្ឋបាលស៊ីវិលក្នុងប្រតិបត្តិការជួយសង្គ្រោះ ខណៈដែលចំនួនអ្នកស្លាប់ដោយសារជំនន់ទឹកភ្លៀងបានកើនលើស ៩០០ នាក់ដែលជាចំនួនដ៏អាក្រក់បំផុតមិនធ្លាប់មានក្នុងរយៈពេល ៣០ ឆ្នាំ ។
សេចក្តីថ្លែងការណ៍របស់ការិយាល័យនាយករដ្ឋមន្ត្រីបានឲ្យដឹងថា ការសម្រេចចិត្តនេះត្រូវបានធ្វើឡើងនៅក្នុងកិច្ចប្រជុំរយៈពេល ៣ ម៉ោងកាលពីយប់ថ្ងៃព្រហស្បតិ៍ បន្ទាប់ពីអាជ្ញាធរបាននិយាយថា ទឹកជំនន់បានប៉ះពាល់ដល់ប្រជាជនជាង ៣០ លាននាក់នៅទូទាំងប្រទេស ដោយពួកគេភាគច្រើនត្រូវជម្លៀសចេញ ក្រោយផ្ទះសម្បែងរងការខូចខាត ដោយសារភ្លៀងធ្លាក់ខ្លាំងបណ្តាលឲ្យមានទឹកជំនន់ភ្លាមៗ ។
បើយោងតាមអាជ្ញាធរជាតិគ្រប់គ្រងគ្រោះមហន្តរាយ (NDMA) បានឲ្យដឹងថា ក្នុងរយៈពេល ២៤ ម៉ោងចុងក្រោយនេះ មនុស្សយ៉ាងតិច ៣៤ នាក់បានស្លាប់ និង ៥០ នាក់ផ្សេងទៀតបានរងរបួស ដោយសារតែទឹកជំនន់ និងភ្លៀងធ្លាក់ខ្លាំង ។
រហូតមកដល់ពេលនេះ មនុស្សចំនួន ៩៣៧ នាក់ហើយបានបាត់បង់ជីវិត ក្នុងនោះមានកុមារចំនួន ៣៤៣ នាក់ និងស្ត្រី ១៩៨ នាក់ ខណៈ ១,៣៤៣ នាក់ផ្សេងទៀតបានរងរបួស ចាប់តាំងពីពាក់កណ្តាលខែមិថុនាមក ។
ទន្ទឹមនោះ ទឹកជំនន់ក៏បានបំផ្លាញផ្ទះសម្បែងចំនួន ៦៧០,៣២៨ ខ្នង បំផ្លាញហាងចំនួន ១២២ កន្លែង ខូចខាតស្ពានចំនួន ១៤៥ និងខូចខាតផ្លូវប្រវែង ៣,០៨២ គីឡូម៉ែត្រ ផងដែរ ។
ជាមួយគ្នានេះ អង្គការអន្តរជាតិ និងស្ថាប័នហិរញ្ញវត្ថុក៏បានប្រកាសផ្តល់ជំនួយជាបន្ទាន់ជាង ៥០០ លានដុល្លារផងដែរសម្រាប់ជនរងគ្រោះដោយទឹកជំនន់ បន្ទាប់ពីនាយករដ្ឋមន្ត្រីអំពាវនាវសុំរកជំនួយ ក្នុងនោះធនាគារពិភពលោក ៣៥០ លានដុល្លារ, កម្មវិធីស្បៀងអាហារពិភពលោក ១១០ លានដុល្លារ, ធនាគារអភិវឌ្ឍន៍អាស៊ី ២០ លានដុល្លារ ខណៈចក្រភពអង់គ្លេសជាង ៤០ លានដុល្លារ ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៥ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ