ព័ត៌មានអន្ដរជាតិ
UN ចោទថា ចិន អាចប្រព្រឹត្តឧក្រិដ្ឋកម្មប្រឆាំងមនុស្សជាតិនៅ ស៊ីនជាំង
យោងតាមរបាយការណ៍ដែលពន្យារពេលជាយូរមកហើយ របស់ក្រុមឃ្លាំមើលសិទ្ធិមនុស្ស អង្គការសហប្រជាជាតិបានឲ្យដឹងថា ការរំលោភសិទ្ធិមនុស្សរបស់ចិននៅតំបន់ ស៊ីនជាំង អាចបង្កទៅជាឧក្រិដ្ឋកម្មប្រឆាំងមនុស្សជាតិ។
របាយការណ៍ ដែលបានរៀបចំអស់រយៈពេល៣ឆ្នាំនេះ គឺជាចំណុចកណ្តាលនៃភាពចម្រូងចម្រាសពេញមួយអាណត្តិរបស់ឧត្តមស្នងការសិទ្ធិមនុស្ស UN លោកស្រី Michelle Bachelet ខណៈសម្ពាធអន្តរជាតិ បានបង្កើនឲ្យមានការស៊ើបអង្កេតដោយឯករាជ្យ លើការរំលោភបំពានជនជាតិភាគតិចនៅក្នុងតំបន់ភាគខាងលិចប្រទេសចិន។
របាយការណ៍បានសរសេរថា “វិសាលភាពនៃការឃុំឃាំងដោយបំពាន និងរើសអើងនៃសមាជិកអ៊ុយហ្គ័រ និងក្រុមមូស្លីមផ្សេងទៀត អាចបង្កើតបានជាឧក្រិដ្ឋកម្មអន្តរជាតិ ជាពិសេសឧក្រិដ្ឋកម្មប្រឆាំងមនុស្សជាតិ”។
អតីតប្រធានាធិបតីស៊ីលីរូបនេះ បានប្រឈមមុខនឹងការរិះគន់ពីអន្តរជាតិ ចំពោះការពន្យារពេលចេញផ្សាយរបាយការណ៍នេះ ថ្វីបើមានការទាមទារម្តងហើយម្តងទៀតពីបណ្តាប្រទេសលោកខាងលិច អ្នកប្រាជ្ញ ជនរងគ្រោះអ៊ុយហ្គ័រ និងក្រុមសិទ្ធិមនុស្សក៏ដោយ។
ជនជាតិអ៊ុយហ្គ័រជាងមួយលាននាក់ និងជនជាតិភាគតិច Turkic ផ្សេងទៀត ត្រូវបានគេប៉ាន់ស្មានថា ត្រូវបានឃុំខ្លួននៅក្នុងជំរំដែលទីក្រុងប៉េកាំង ពណ៌នាថាជាមជ្ឈមណ្ឌលបណ្តុះបណ្តាលដែលបង្កើតឡើងដើម្បីប្រយុទ្ធប្រឆាំងនឹងអំពើភេរវកម្ម និងសកម្មភាពបំបែកខ្លួននៅក្នុងតំបន់ ស៊ីនជាំង។ ទីនោះជាកន្លែងដែលគេសង្ស័យថា អ្នកទាំងនោះបានទទួលរងនូវការរំលោភបំពានជាច្រើន រួមទាំងការឃុំឃាំងដោយបំពាន និងការធ្វើទារុណកម្មផងដែរ។
ទោះបីជាយ៉ាងណាក៏ដោយ ប្រទេសចិន បានបដិសេដរាល់ការអះអាងអំពីការរំលោភបំពាន។
ទីក្រុងប៉េកាំង បានថ្កោលទោសរបាយការណ៍នេះ ដោយហៅថា ជាការភូតកុហកដែលបំភ្លៃច្បាប់ និងគោលនយោបាយរបស់ប្រទេសចិន, ជាការលាបពណ៌ និងបង្កាច់បង្ខូចចិន៕
ប្រែសម្រួល៖ Vann Vann
ប្រភព៖ Asia.Nikkei
ចុចអាន៖ ចិន ច្រានចោលការចោទប្រកាន់ រំលោភសិទ្ធិមនុស្សនៅតំបន់ ស៊ីនជាំង
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?