ព័ត៌មានអន្ដរជាតិ
នាយកដ្ឋានឧតុនិយម ថៃ ឆ្លើយបែបណា រឿងថា បាងកក នឹងជួបគ្រោះទឹកជំនន់ដូច ១០ ឆ្នាំមុន
នាយកដ្ឋានឧតុនិយមថៃ (TMD) បានច្រានចោលការរំពឹងទុកដែលថា ប្រទេសថៃ ក៏ដូចជាទីក្រុងបាងកកនឹងជួបគ្រោះទឹកជំនន់ដ៏ធំម្តងទៀតដូចក្នុងឆ្នាំ ២០១១ ដោយសារលក្ខខណ្ឌអាកាសធាតុនៅពេលនេះខុសពីកាលណោះ ។
អ្នកស្រី Chompharee Chomphurat អគ្គនាយកនៃនាយកដ្ឋានឧតុនិយមបាននិយាយកាលពីថ្ងៃសៅរ៍ថា ប្រទេសថៃបានរងគ្រោះដោយទឹកជំនន់ដ៏ធំក្នុងឆ្នាំ ២០១១ ដោយសារតែបាតុភូត La Nina ដែលធ្វើឲ្យរដូវវស្សាមកដល់លឿនជាងធម្មតា ហើយអ្វីដែលកាន់តែអាក្រក់ទៅៗនៅក្នុងឆ្នាំនោះគឺ ព្យុះចំនួន ៥ បានវាយប្រហារប្រទេសថៃ ដោយបានបង្កើនបរិមាណទឹកភ្លៀងជាមធ្យម ២៧ ភាគរយ ។
អ្នកស្រីបានបន្តថា “បាតុភូត La Nina ក៏បានកើតឡើងនៅឆ្នាំនេះដែរ ដែលធ្វើឲ្យមានភ្លៀងធ្លាក់មកលឿនជាងការរំពឹងទុក ។ ទោះជាយ៉ាងនេះក្តី ប្រទេសថៃមិនបានរងការវាយប្រហារដោយផ្ទាល់ដោយព្យុះនៅឆ្នាំនេះទេ ខណៈដែលទឹកភ្លៀងជាមធ្យមមកទល់ពេលនេះត្រូវបានកត់ត្រា ២១ ភាគរយក្រោមបរិមាណកាលពីឆ្នាំ ២០១១” ។
នាយកដ្ឋានបានប៉ាន់ប្រមាណថានឹងមានភ្លៀងធ្លាក់ប្រហែល ១០ ភាគរយច្រើនជាងធម្មតា ដែលកើនឡើងបន្តិចប៉ុណ្ណោះ បើធៀបនឹង ៨ ភាគរយកាលពីឆ្នាំមុន ។
លោកស្រី Chompharee បាននិយាយថា អាកាសធាតុមិនមែនជាមូលហេតុតែមួយគត់សម្រាប់ទឹកជំនន់នោះទេ យុទ្ធសាស្ត្រគ្រប់គ្រងទឹកក៏មានតួនាទីសំខាន់ផងដែរ ។ ទីភ្នាក់ងារជាច្រើននៅក្នុងប្រទេសថៃបានរៀនមេរៀនរបស់ពួកគេពីទឹកជំនន់ឆ្នាំ ២០១១ រួចហើយ ដូច្នេះយើងបានរៀបចំប្រព័ន្ធទាំងអស់ឲ្យកាន់តែប្រសើរឡើងរួចហើយសម្រាបឆ្នាំនេះ ខណៈវិធានការដែលត្រូវបានអនុវត្តរួមមានការពន្លឿនការបញ្ចេញទឹកពីទំនប់ចូលឈូងសមុទ្រថៃ ក្នុងពេលមានជំនោរទាប និងការបិទផ្លូវទឹកនៅជិតតំបន់ដែលងាយនឹងមានទឹកជំនន់ជាដើម ។
ជាចុងក្រោយលោកស្រីបញ្ជាក់ថា ឆ្នាំនេះ មានតែព្យុះ Ma-on និង Mulan ប៉ុណ្ណោះដែលបានបោកបក់ប៉ះប្រទេសថៃក្នុងខែសីហា ខណៈព្យុះទីហ្វុង Hinnamnor នឹងវាយប្រហារតែប្រទេសជប៉ុន និងកូរ៉េខាងត្បូងប៉ុណ្ណោះ ពោលមិនមានការប៉ះពាល់ផ្ទាល់ដល់ប្រទេសថៃនោះទេ ៕
ប្រែសម្រួលដោយ ៖ ជីវ័ន្ត
ប្រភព ៖ The Nations
ចុចអាន ៖ កាន់តែធ្ងន់ធ្ងរ! ទឹកជំនន់កំពុងលិចតំបន់ជុំវិញព្រលានយន្តហោះ ភូកេត
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង