អ៊ុយក្រែន ចាប់ផ្តើមចម្រាញ់ជនស៊ីវិល វែកមុខរកជនក្បត់ (មានវីដេអូ)

ការិយាល័យស៊ើបអង្កេតរដ្ឋរបស់អ៊ុយក្រែន (SBI) បានប្រកាសកាលពីថ្ងៃសុក្រទី០៩ខែកញ្ញាថា ខ្លួនបានចាប់ផ្តើមធ្វើការចម្រាញ់ ជនស៊ីវិលនៅក្នុងទីក្រុង Balakleya នៃតំបន់ Kharkov ដែលកាន់កាប់ដោយកងកម្លាំងរដ្ឋាភិបាលទីក្រុងកៀវ ខណៈភ្នាក់ងារ SBI នឹង​ចាប់ផ្តើមវែក​មុខរកអ្នក​ដែលអាច​គំរាមកំហែង​ដល់​សន្តិសុខ​ជាតិ។

SBI បាននិយាយនៅលើប្រព័ន្ធផ្សព្វផ្សាយសង្គមថា “គោលបំណងនៃវិធានការនេះ គឺដើម្បីទប់ស្កាត់សកម្មភាពវិទ្ធង្សនារបស់រុស្ស៊ី និងសម្ព័ន្ធមិត្តរបស់ពួកគេ។ ខ្លួននឹងទទួលបានព័ត៌មានដោយប្រុងប្រយ័ត្ន អំពីមនុស្សដែលសហការជាមួយអ្នកឈ្លានពាន ហើយនាំអ្នកសហការនិងជនក្បត់មកទទួលទោសយ៉ាងតឹងរ៉ឹងបំផុត”។

អ៊ុយក្រែន​ បាន​ចោទប្រកាន់​អភិបាលក្រុង​នេះ​ពីបទ​ក្បត់ជាតិ​កាលពី​ខែមេសា ដោយ​ចោទថា ​គាត់បាន​សហការ​ជាមួយ​ទាហាន​រុស្ស៊ី និង​ជួយ​ពួកគេ​ចែកចាយ​ជំនួយ​មនុស្សធម៌។

ទីក្រុង Balakleya មានចម្ងាយប្រហែល ៩០ គីឡូម៉ែត្រភាគអាគ្នេយ៍នៃតំបន់ Kharkov។ ទីក្រុងនេះមានប្រជាជនប្រហែល ២៥០០០នាក់ មុនពេលជម្លោះនៅអ៊ុយក្រែនផ្ទុះឡើងក្នុងខែកុម្ភៈ។

កងទ័ពរុស្ស៊ីបានកាន់កាប់ទីក្រុងនេះនៅចុងខែមីនា ប៉ុន្តែទីក្រុងកៀវអះអាងថា ខ្លួនបានដណ្តើមបានមកវិញក្នុងសប្តាហ៍នេះ ហើយប្រធានាធិបតីអ៊ុយក្រែន លោក Vladimir Zelensky បានចែករំលែកវីដេអូបង្ហាញពីទង់ជាតិអ៊ុយក្រែន បក់លើអគាររដ្ឋបាលក្រុង កាលពីល្ងាចថ្ងៃព្រហស្បតិ៍៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ RT

ចុចអាន៖ អាមេរិក ប្រកាសបញ្ជូនសព្វាវុធបន្ថែមទៀត ទៅអ៊ុយក្រែន