ព័ត៌មានអន្ដរជាតិ
ព្យុះកំណាច Nanmadol ចាប់ផ្តើមឆក់យកជីវិតមនុស្សហើយ នៅ ជប៉ុន
យោងតាមទិន្នន័យដែលប្រមូលបានដោយ NHK គិតត្រឹមម៉ោង ១១ យប់ថ្ងៃចន្ទទី១១ខែកញ្ញា មនុស្សចំនួន២នាក់ត្រូវបានបញ្ជាក់ថាស្លាប់ និង១២០នាក់រងរបួសនៅក្នុងប្រទេសជប៉ុនដោយសារតែឥទ្ធិពលនៃព្យុះកំណាច Nanmadol។
នៅខេត្ត Miyazaki, បុរសក្នុងវ័យ៤០ឆ្នាំប្លាយម្នាក់ ត្រូវបានគេប្រទះឃើញសន្លប់ ហើយក្រោយមកត្រូវបានបញ្ជាក់ថា ស្លាប់នៅមន្ទីរពេទ្យ។ ក្រុមមន្ត្រីសង្ស័យថា គាត់អាចរងគ្រោះដោយការរអិលបាក់ដី។
នៅតំបន់មួយទៀតនៃខេត្តនេះ បុរសក្នុងវ័យ៦០ឆ្នាំប្លាយ ត្រូវបានគេបញ្ជាក់ថាស្លាប់ បន្ទាប់ពីរថយន្តរបស់គាត់ត្រូវលិចទឹក ធ្វើឲ្យគាត់ជាប់ក្នុងនោះ។ មនុស្សម្នាក់ ក៏ត្រូវបានគេរាយការណ៍ថា បាត់ខ្លួនផងដែរនៅក្នុងខេត្ត Hiroshima។
ព្យុះទីហ្វុង Nanmadol ដែលជាព្យុះខ្លាំងបំផុតមួយ វាយប្រហារប្រទេសជប៉ុនក្នុងរយៈពេលប៉ុន្មានឆ្នាំមកនេះ បាននាំមកនូវជាមួយខ្យល់បក់បោកខ្លាំង និងភ្លៀងធ្លាក់ធ្ងន់ធ្ងរទៅកាន់ភាគខាងលិចប្រទេសជប៉ុន ដែលបណ្តាលឲ្យមានការរំខានដល់ការដឹកជញ្ជូន និងបង្ខំឲ្យក្រុមហ៊ុននានាផ្អាកប្រតិបត្តិការ។
លោកនាយករដ្ឋមន្ត្រី Fumio Kishida បានពន្យារពេលធ្វើដំណើរទៅកាន់ទីក្រុងញូវយ៉ក សម្រាប់មហាសន្និបាតអង្គការសហប្រជាជាតិនៅសប្តាហ៍នេះ ដើម្បីវាយតម្លៃការខូចខាតដែលបង្កឡើងដោយព្យុះទីហ្វុងទី១៤ក្នុងរដូវព្យុះរបស់ប្រទេសជប៉ុន។
ព្យុះ Nanmadol បានធ្វើឲ្យមានការបាក់ដីនៅជិតទីក្រុង Kagoshima កាលពីល្ងាចថ្ងៃអាទិត្យ មុនពេលវាយប្រហារកោះ Kyushu ភាគខាងលិច ហើយតម្រង់ទៅកោះសំខាន់ Honshu នៅព្រឹកថ្ងៃចន្ទ។
ក្រសួងពាណិជ្ជកម្មបាននិយាយថា គ្រួសារប្រហែល ២៨៦ ០០០ គ្មានអគ្គិសនីប្រើប្រាស់នៅរសៀលថ្ងៃចន្ទ។ សេវារថភ្លើងល្បឿនលឿននិងជើងហោះហើរ ក៏បានផ្អាកប្រតិបត្តិការផងដែរ៕
ប្រែសម្រួល៖ Vann Vann
ចុចអាន៖ ជប៉ុន ប្រកាសអាសន្ន នៅភាគខាងត្បូង ដោយសារព្យុះកំណាច Nanmadol
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង