ព័ត៌មានអន្ដរជាតិ
មីយ៉ាន់ម៉ា មិនញញើតលទ្ធផលកិច្ចប្រជុំ អាស៊ាន ដែលដាក់សម្ពាធដើម្បីសន្តិភាពក្នុងប្រទេសខ្លួន
រដ្ឋាភិបាលយោធាមីយ៉ាន់ម៉ាបានព្រមានថា ការដាក់សម្ពាធណាមួយពីប្រទេសអាស៊ាន ក្នុងការកំណត់ពេលវេលាលើផែនការសន្តិភាព នឹងបង្កើតឲ្យមានផលប៉ះពាល់អវិជ្ជមាន និងធ្វើឲ្យស្ថានភាពកាន់តែស្មុគស្មាញ ។
រដ្ឋាភិបាលយោធាមីយ៉ាន់ម៉ាបានធ្វើសេចក្តីថ្លែងការណ៍នេះ ជាការឆ្លើយតបទៅនឹងកិច្ចប្រជុំមួយកាលពីថ្ងៃព្រហស្បតិ៍ ដោយរដ្ឋមន្ត្រីការបរទេសមកពីអាស៊ាន ដែលបានពិភាក្សាអំពីវិធីដើម្បីនៃការបន្ធូរបន្ថយជម្លោះ ដែលកំពុងកើនឡើងនៅក្នុងប្រទេសមីយ៉ាន់ម៉ា ។
ទន្ទឹមនោះ ក្រសួងការបរទេសរបស់យោធាមីយ៉ាន់ម៉ាបាននិយាយថា ប្រទេសមីយ៉ាន់ម៉ានឹងមិនញញើតនូវលទ្ធផលនៃកិច្ចប្រជុំនេះឡើយ ដោយសារតែវាត្រូវបានប្រារព្ធឡើងដោយប្រទេសអាស៊ានចំនួន ៩ ប៉ុណ្ណោះ ពោលមិនមានការចូលរួមពីអ្នកតំណាងមកពីប្រទេសមីយ៉ាន់ម៉ា ដែលជាសមាជិកភាព ១០ ប្រទេសរបស់ប្លុកនេះឡើយ ។
នៅក្នុងកិច្ចប្រជុំពិសេសនៃរដ្ឋមន្ត្រីការបរទេសអាស៊ានកាលពីថ្ងៃព្រហស្បតិ៍ នៅប្រទេសឥណ្ឌូណេស៊ីគឺមិនមានអ្នកតំណាងរបស់ប្រទេសមីយ៉ាន់ម៉ា មានវត្តមាននោះទេ ដោយសារមេដឹកនាំរបស់ប្រទេសនេះត្រូវបានរារាំងពីកិច្ចប្រជុំកម្រិតខ្ពស់នៃប្លុកអាស៊ាន ចាប់តាំងពីរដ្ឋប្រហារយោធាកាលពីឆ្នាំមុន ដែលបានទម្លាក់រដ្ឋាភិបាលជាប់ឆ្នោតរបស់លោកស្រី អ៊ុងសាន ស៊ូជី ។
គួរបញ្ជាក់ថា ប្រទេសមីយ៉ាន់ម៉ាក៏កំពុងផ្ទុះជម្លោះដ៏សាហាវៗក្នុងប៉ុន្មានសប្តាហ៍ថ្មីៗនេះ ដែលរាប់បញ្ចូលទាំងការបំផ្ទុះគ្រាប់បែកនៅពន្ធនាគារដ៏ធំបំផុតរបស់ប្រទេស ក៏ដូចជាការវាយប្រហារតាមអាកាសរបស់រដ្ឋាភិបាលនៅភាគខាងជើងរដ្ឋកាឈីនកាលពីថ្ងៃអាទិត្យ ដោយបានសម្លាប់មនុស្សប្រហែល ៨០ នាក់ ក្នុងនោះរួមទាំងជនស៊ីវិលជាច្រើននាក់ផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ Al Jazeera
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង