ព័ត៌មានអន្ដរជាតិ
លោក Biden ហៅមេដឹកនាំពិភពលោក មកប្រជុំបន្ទាន់ បន្ទាប់ពីមីស៊ីល ធ្លាក់នៅប៉ូឡូញ
នៅព្រឹកថ្ងៃពុធទី១៦ខែវិច្ឆិកានេះ ប្រធានាធិបតីសហរដ្ឋអាមេរិកលោក Joe Biden បានកោះប្រជុំបន្ទាន់ នៃក្រុមមេដឹកនាំប្រទេស G7 និងអង្គការណាតូ នៅប្រទេសឥណ្ឌូណេស៊ី សម្រាប់ការពិគ្រោះយោបល់ បន្ទាប់ពីប៉ូឡូញ ដែលជាសម្ព័ន្ធមិត្តណាតូ និយាយថា មីស៊ីលផលិតដោយរុស្ស៊ីមួយគ្រាប់ បានសម្លាប់មនុស្សពីរនាក់ នៅភាគខាងកើតប្រទេសរបស់ខ្លួន ជិតព្រំដែនអ៊ុយក្រែន។
លោក Biden បានទូរស័ព្ទទៅប្រធានាធិបតីប៉ូឡូញលោក Andrzej Duda ដើម្បីសម្តែងការរំលែកទុក្ខយ៉ាងជ្រាលជ្រៅ ចំពោះការបាត់បង់អាយុជីវិតជនស៊ីវិល។ នៅលើ Twitter លោក Biden បានសន្យាពីការគាំទ្រយ៉ាងពេញទំហឹង និងផ្តល់ជំនួយរបស់សហរដ្ឋអាមេរិកចំពោះការស៊ើបអង្កេតរបស់ប៉ូឡូញ ហើយបញ្ជាក់ឡើងវិញនូវការប្តេជ្ញាចិត្តរបស់សហរដ្ឋអាមេរិកចំពោះអង្គការណាតូ។
កិច្ចប្រជុំតុមូលដ៏ធំមួយក្នុងសាលនៃសណ្ឋាគារដែលលោកស្នាក់នៅ ប្រធានាធិបតីសហរដ្ឋអាមេរិកបានទទួលមេដឹកនាំនៃក្រុមប្រទេស G7 ដែលរួមមានកាណាដា បារាំង អាល្លឺម៉ង់ អ៊ីតាលី ជប៉ុន ចក្រភពអង់គ្លេស និងសហភាពអឺរ៉ុប រួមជាមួយនឹងប្រធានក្រុមប្រឹក្សាអឺរ៉ុប និងនាយករដ្ឋមន្ត្រីនៃសម្ព័ន្ធមិត្តណាតូដូចជា អេស្ប៉ាញ និងហូឡង់។
ពេលអ្នកសារព័ត៌មាន សួរថាតើលោកនឹងផ្តល់ព័ត៌មានថ្មីៗអំពីស្ថានភាពនៅក្នុងប្រទេសប៉ូឡូញដែរឬទេ លោក Biden បានឆ្លើយថា “ទេ”។
សេចក្តីថ្លែងការណ៍របស់ក្រសួងការបរទេសប៉ូឡូញ បានកំណត់អត្តសញ្ញាណថា មីស៊ីលដែលធ្លាក់លើទឹកដីរបស់ខ្លួនគឺត្រូវបានផលិតនៅក្នុងប្រទេសរុស្ស៊ី។ ប៉ុន្តែប្រធានាធិបតីប៉ូឡូញ លោក Duda មិនទាន់ហ៊ានបញ្ជាក់ច្បាស់ទេថាតើ អ្នកណាជាអ្នកបាញ់ឲ្យប្រាកដ៕
ប្រែសម្រួល៖ Vann Vann
ប្រភព៖ Yahoo
ចុចអាន៖ តើ ណាតូ នឹងធ្វើម្តេចពេលមីស៊ីល ធ្លាក់នៅក្នុងទឹកដីសមាជិករបស់ខ្លួន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង