ព័ត៌មានអន្ដរជាតិ
ណាតូ ព្រមានថា លោក ពូទីន កំពុងប្រើ រដូវរងាជាអាវុធ ក្នុងសង្គ្រាមអ៊ុយក្រែន (មានវីដេអូ)
អគ្គលេខាធិការអង្គការណាតូ លោក Jens Stoltenberg បាននិយាយនៅថ្ងៃអង្គារទី២៩ខែវិច្ឆិកានេះថា ប្រធានាធិបតីរុស្ស៊ី លោក វ្ល៉ាឌីមៀរ ពូទីន មានចេតនាប្រើប្រាស់ទឹកកក និងព្រិល ដើម្បីផលប្រយោជន៍របស់គាត់នៅលើសមរភូមិ ហើយប្រឆាំងជនស៊ីវិលអ៊ុយក្រែន ដែលកំពុងប្រឈមមុខនឹងរដូវរងា ទាំងគ្មានថាមពលសម្រាប់កម្តៅ។

នោះហើយជាមូលហេតុដែលសម្ព័ន្ធមិត្តរបស់ណាតូ កំពុងបង្កើនការគាំទ្រដល់អ៊ុយក្រែន។ លោក Stoltenberg បាននិយាយបែបនេះ មួយថ្ងៃមុនកិច្ចប្រជុំរដ្ឋមន្ត្រីការបរទេសណាតូ នៅទីក្រុង ប៊ុយការ៉េស ប្រទេសរ៉ូម៉ានី។
លោក Stoltenberg និយាយថា “ឥឡូវ លោកប្រធានាធិបតីពូទីន កំពុងព្យាយាមប្រើរដូវរងា ជាអាវុធនៃសង្គ្រាមប្រឆាំងនឹងអ៊ុយក្រែន។ នេះពិតជាគួរឲ្យរន្ធត់ ហើយយើងត្រូវត្រៀមខ្លួនសម្រាប់ការវាយប្រហារបន្ថែមទៀត”។

រដ្ឋមន្ត្រីការបរទេសមកពីប្រទេស Nordic និងបាល់ទិកចំនួនប្រាំពីរ បានធ្វើទស្សនកិច្ចនៅទីក្រុង កៀវ កាលពីថ្ងៃចន្ទ ហើយបានសន្យាថា នឹងបញ្ជូនម៉ាស៊ីនភ្លើង សម្លៀកបំពាក់រដូវរងា និងអាហារ ដើម្បីជួយដល់ប្រជាជនអ៊ុយក្រែន ដែលកំពុងទប់ទល់នឹងសីតុណ្ហភាពនៅសប្តាហ៍ក្រោយ។
ស្របពេលជាមួយគ្នានោះដែរ ប្រធានាធិបតីអ៊ុយក្រែន លោក Volodymyr Zelensky បានព្រមានថា ទាហានរុស្ស៊ីកំពុងរៀបចំការវាយប្រហារថ្មីទៀត។ លោកព្រមានថា “ដរាបណាពួកគេមានមីស៊ីល ពួកគេនឹងមិនឈប់ឡើយ។ សប្តាហ៍ខាងមុខ អាចពិបាកដូចសប្តាហ៍ដែលបានកន្លងផុតទៅ”៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ USA Today
ចុចអាន៖ របាយការណ៍៖ ទាហានស៊ីឈ្នួលប៉ូឡូញជាង ១២០០ នាក់ ស្លាប់នៅ អ៊ុយក្រែន

-
ព័ត៌មានជាតិ៦ ថ្ងៃ ago
កម្ពុជានឹងមិនដកថយឬឈរជើងដោយគ្មានអាវុធនៅចំណុចប៉ះទង្គិចគ្នាទេ
-
ព័ត៌មានជាតិ៥ ថ្ងៃ ago
នាយករដ្ឋមន្ត្រីថាអាវុធដែលដាក់ទៅត្រៀមមិនមែនមានតែប៉ុន្មានដែលឱ្យឃើញលើបណ្ដាញសង្គមទេ
-
នយោបាយ៥ ថ្ងៃ ago
ព្រឹត្តិការណ៍ថ្ងៃ២៨ ឧសភា សម្ដេចធិបតីបញ្ជារួចហើយបើថៃមិនថយ «វ៉ៃ»
-
ព័ត៌មានជាតិ៧ ថ្ងៃ ago
អាជ្ញាធរខេត្តព្រះវិហារជម្លៀសពលរដ្ឋពីតំបន់ជួរមុខទៅកាន់ទីកន្លែងសុវត្ថិភាព
-
ព័ត៌មានជាតិ១ សប្តាហ៍ ago
អ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ
-
សេចក្ដីជូនដំណឹង៥ ថ្ងៃ ago
ការបើកឱ្យទស្សនាលើកដំបូងបង្អស់នូវសាលារៀនអន្តរជាតិ អាយុកាល ៣៥០ឆ្នាំ មកពីចក្រភពអង់គ្លេស
-
សន្តិសុខសង្គម៧ ថ្ងៃ ago
សមត្ថកិច្ចចុះបង្ក្រាបសង្វៀនជល់មាន់មួយកន្លែង ឃាត់ខ្លួនមនុស្សបាន១១នាក់
-
ព័ត៌មានជាតិ៦ ថ្ងៃ ago
វិទ្យាល័យព្រះសីហនុ ក្នុងខេត្តកំពង់ចាម ត្រូវបានទទួលស្គាល់គុណភាពអប់រំកម្រិតអន្តរជាតិ