ព័ត៌មានអន្ដរជាតិ
អាមេរិក ហៅឯកអគ្គរដ្ឋទូតប្រចាំ មីយ៉ាន់ម៉ា មកប្រទេសវិញ និងមិនបញ្ជូនអ្នកជំនួសឡើយ
សហរដ្ឋអាមេរិកនឹងកាត់បន្ថយទំនាក់ទំនងការទូតរបស់ខ្លួនជាមួយប្រទេសមីយ៉ាន់ម៉ា ហើយឯកអគ្គរដ្ឋទូតអាមេរិកដែលកំពុងកាន់អំណាចគឺលោក Thomas Vajda នឹងត្រឡប់មកប្រទេសវិញនៅចុងខែនេះ ហើយទីក្រុងវ៉ាស៊ីនតោនបានសម្រេចចិត្តមិនបញ្ជូនអ្នកជំនួសតំណែងមួយនេះទេ ។
អ្នកនាំពាក្យក្រសួងការបរទេសអាមេរិកម្នាក់បានឆ្លើយតបទៅកាន់សារព័ត៌មាន Nikkei តាមអ៊ីមែលថា “អនុប្រធានបេសកកម្មលោកស្រី Deborah Lynn នឹងទទួលភារកិច្ចជា “ភារធារី” នៅស្ថានទូតអាមេរិកក្នុងទីក្រុងរ៉ង់ហ្គូន នៅពេលដែលការចាកចេញរបស់លោកឯកអគ្គរដ្ឋទូត Vajda” ។
ជាមួយនឹងការផ្លាស់ប្តូរនេះ រដ្ឋបាលរបស់លោកប្រធានាធិបតី Joe Biden បានបញ្ជាក់យ៉ាងច្បាស់ថា ទីក្រុងវ៉ាស៊ីនតោនមិនទទួលស្គាល់យោធារបស់មីយ៉ាន់ម៉ាឡើយ មុនពេលរដ្ឋាភិបាលយោធានៅទីក្រុង Naypyitaw រៀបចំការបោះឆ្នោតសកលនៅឆ្នាំ ២០២៣ ។
ទន្ទឹមនោះ សហរដ្ឋអាមេរិកបានរិះគន់ការបោះឆ្នោតដែលរំពឹងទុកនៅឆ្នាំ ២០២៣ នោះថា “វាមិនអាចទៅរួចនោះទេដែលការបោះឆ្នោតនោះមានសេរីភាព និងយុត្តិធម៌ ដោយសារតែយោធាបានឡើងកាន់អំណាចតាមរយៈការធ្វើរដ្ឋប្រហារនៅខែកុម្ភៈ ឆ្នាំ២០២១ ។
គួរបញ្ជាក់ថា លោកឯកអគ្គរដ្ឋទូត Vajda បានមកដល់ប្រទេសមីយ៉ាន់ម៉ាក្នុងខែមករា ឆ្នាំ ២០២១ មុនពេលរដ្ឋាភិបាលជាប់ឆ្នោតតាមបែបប្រជាធិបតេយ្យរបស់លោកស្រី អ៊ុងសាន ស៊ូជី ត្រូវបានបណ្តេញចេញពីតំណែង ៕
ប្រែសម្រួលដោយ ៖ ជីវ័ន្ត
ប្រភព ៖ Nikkei
ចុចអាន ៖ សំងំនៅជប៉ុន ៦ ខែមកនេះ ដឹងទេ Jack Ma រស់នៅលើផ្ទៃដីទំហំប៉ុនណា?
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង