Connect with us

ព័ត៌មានអន្ដរជាតិ

សំងំនៅជប៉ុន ៦ ខែមកនេះ ដឹងទេ Jack Ma រស់នៅលើផ្ទៃដីទំហំប៉ុនណា?

បានផុស

នៅ

កាលពីចុងខែវិច្ឆិកាកាសែត Financial Times បានចុះផ្សាយថា ស្ថាបនិកក្រុមហ៊ុន Alibaba លោក Jack Ma បានសំងំរស់នៅក្នុងតំបន់ជាយក្រុងតូក្យូអស់រយៈពេលជិត ៦ ខែហើយ បន្ទាប់ពីការបង្ក្រាបរបស់រដ្ឋាភិបាលចិនលើវិស័យបច្ចេកវិទ្យា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពាក់ព័ន្ធនឹងបញ្ហានេះ សារព័ត៌មានចិនមួយបានរាយការណ៍ផងដែរថា លោក Jack Ma កំពុងរស់នៅក្នុងវីឡាមួយកន្លែងលើផ្ទៃដីជិត ២ គីឡូម៉ែត្រការ៉េនៅតំបន់ Hakone ជាយក្រុងតូក្យូនៃប្រទេសជប៉ុន ។

មហាសេដ្ឋីរូបនេះបានចំណាយពេលជិត ៦ ខែស្នាក់នៅជាមួយគ្រួសាររបស់លោកនៅទីក្រុងតូក្យូ និងតំបន់ផ្សេងទៀតនៃប្រទេសជប៉ុន រួមទាំងការធ្វើដំណើរជាទៀងទាត់ទៅកាន់សហរដ្ឋអាមេរិក និងអ៊ីស្រាអែលផងដែរ ។

កាសែត Financial Times បានចុះផ្សាយបន្ថែមថា លោក Jack Ma ឧស្សាហ៍ទៅលេងក្លឹបដើម្បីជួបជុំសមាជិកឯកជនជាច្រើននៅទីក្រុងតូក្យូ ហើយក៏បានក្លាយជាអ្នកប្រមូលទិញរបស់របរសិល្បៈទំនើបៗថែមទៀតផង ។

គួររំឭកថា កាលពីខែកក្កដាកន្លងទៅ លោក Jack Ma គ្រោងនឹងប្រគល់ការគ្រប់គ្រងរបស់ក្រុមហ៊ុន Ant Group ដើម្បីផ្គាប់ចិត្តនិយតករចិន ស្របពេល Alibaba ដែលជាក្រុមហ៊ុនពាណិជ្ជកម្មអេឡិចត្រូនិកដ៏ធំរបស់លោក បានរាយការណ៍ពីកំណើនប្រាក់ចំណូលថេរនៅក្នុងខែសីហាជាលើកដំបូង ខណៈដែលប្រទេសចិនបានប្រយុទ្ធប្រឆាំងនឹងការធ្លាក់ចុះនៃសេដ្ឋកិច្ច និងករណីផ្ទុះជំងឺកូវីដ ១៩ ឡើងវិញ ៕

ប្រែសម្រួលដោយ ៖ ជីវ័ន្ត

ប្រភព ៖ AA Stock

ចុចអាន ៖ មកដឹងឲ្យហើយ ថ្លៃចំណាយ និងចំណូលរបស់ រុស្ស៊ី សម្រាប់ឆ្នាំ ២០២៣ ដល់ ២០២៥

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម