ព័ត៌មានអន្ដរជាតិ
ផ្ទះពលរដ្ឋរាប់សិបខ្នងត្រូវកម្ទេច ដោយសារការប្រយុទ្ធគ្នាយ៉ាងខ្លាំងក្លា រវាងកងទ័ពមីយ៉ាន់ម៉ា និងកងទ័ពឧទ្ទាមតាអឹង
ប្រភពព័ត៌មានបានឱ្យដឹងថា កងទ័ពមីយ៉ាន់ម៉ាបានប្រើឧទ្ធម្ភាគចក្របាញ់ស្រោចលើមូលដ្ឋានយោធាឧទ្ទាម (តាអឹង) ដែលស្ថិតក្នុងរដ្ឋសាន បណ្តាលឱ្យផ្ទះប្រជាពលរដ្ឋរងការខូចខាតអស់ជាង ៥០ខ្នង និងវត្តអារាម ១កន្លែង និងប្រជាពលរដ្ឋអ្នកភូមិជាង ២០០០នាក់បានរត់ភៀសខ្លួនដើម្បីសុវត្ថិភាព។
កាលពីថ្ងៃទី១៤ ខែធ្នូ ទីភ្នាក់ងារសារព័ត៌មាន Shan News បានរាយការណ៍ថា នៅភូមិសាស្ត្រទីក្រុងណាំសាន់ ដែលជាតំបន់ស្វយ័តរប់សកងទ័ពឧទ្ទាមតាអឹងនៅភាគខាងជើងនៃរដ្ឋសាន បានបើការប្រយុទ្ធគ្នាយ៉ាងខ្លាំងក្លារវាងកងទ័ពមីយ៉ាន់ម៉ាជាមួយកងទ័ពតាអឹង ដោយភាគីទាំងពីរបានប្រយុទ្ធគ្នាអស់រយៈពេលជាង ៧ថ្ងៃមកហើយ ហើយរហូតមកដល់ពេលនេះ កងទ័ពមីយ៉ាន់ម៉ានៅតែបន្តពង្រឹងកំលាំងរុលទៅមុខដោយប្រើឧទ្ធម្ភាគចក្របាញ់អាវុធធុនធ្ងន់ដើម្បីគាំទ្រដល់កងទ័ពថ្មើជើង។ ប៉ុន្តែទោះជាយ៉ាងណាក៏ដោយ គ្រាប់រ៉ុក្កែតជាច្រើនគ្រាប់ដែលបាញ់ចេញពីឧទ្ធម្ភាគចក្របានខុសគោលដៅ ធ្វើឱ្យខូចខាតដល់ផ្ទះសម្បែងប្រជាពលរដ្ឋជាង៥០ខ្នង និងវត្តអារាម១កន្លែងរងការខូចខាតទាំងស្រុង ហើយប្រជាពលរដ្ឋអ្នកភូមិជាង ២០០០នាក់នាំគ្នាភៀសខ្លួនចាកចេញពីផ្ទះសម្បែងរបស់ពួកគេរត់ចេញពីតំបន់ប្រយុទ្ធដើម្បីសុវត្ថិភាព។
ចំណែកខាងកងទ័ពតាអឹង សហការគ្នាជាមួយកំលាំងយោធាមកពីកងទ័ពឯករាជ្យកាឈីន និងកងកម្លាំងប្រដាប់អាវុធភាគីប្រឆាំង ដែលមានកងកំលាំងសរុបប្រមាណ ៤០០នាក់រួមគ្នាវាយបកទៅលើកងទ័ពមីយ៉ាន់ម៉ាវិញយ៉ាងខ្លាំងក្លា។
សារព័ត៌មាន Namhsan News បានរាយការណ៍ថា នៅព្រឹកថ្ងៃទី១៤ ខែធ្នូ កងទ័ពមីយ៉ាន់ម៉ានៅតែបន្តបញ្ជូនឧទ្ធម្ភាគចក្រទៅបាញ់គ្រាប់រ៉ុក្កែតជាបន្តបន្ទាប់លើសមរភូមិប្រយុទ្ធខាងលើដដែល៕
ប្រែសម្រួល៖ គង់ សំអាន
ប្រភព៖ Mgronline
ចុចអាន៖ ភាគកណ្ដាល មីយ៉ាន់ម៉ា ជួបគ្រោះរញ្ជួយដីកម្រិត ៥.២ រ៉ិចទ័រ
ចុចអាន៖ ក្រុមឃ្លាំមើលមួយ បញ្ចេញតួលេខជនស៊ីវិល ស្លាប់និងរបួស នៅតំបន់ Donbass
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ