ព័ត៌មានអន្ដរជាតិ
ព្រឹទ្ធសភាអាមេរិក អនុម័តកញ្ចប់ថវិកា ១.៧ ទ្រីលានដុល្លារ ដើម្បីបញ្ចៀសការបិទរដ្ឋាភិបាល
នៅថ្ងៃសុក្រទី២៣ខែធ្នូនេះ ព្រឹទ្ធសភាអាមេរិក បានអនុម័តកញ្ចប់ចំណាយក្នុងទំហំទឹកប្រាក់ ១.៧ទ្រីលានដុល្លារ ដែលនឹងផ្តល់មូលនិធិដល់រដ្ឋាភិបាលរហូតដល់ឆ្នាំសារពើពន្ធ ២០២៣។

ការអនុម័តនេះ បានកើតឡើងមួយថ្ងៃ មុនពេលវេលាកំណត់សម្រាប់ការបិទរដ្ឋាភិបាលនៅពាក់កណ្តាលអធ្រាត្រថ្ងៃសៅរ៍។
ច្បាប់ ដែលនឹងផ្តល់មូលនិធិដល់ភ្នាក់ងារសហព័ន្ធរហូតដល់ថ្ងៃទី៣០ខែកញ្ញា ឆ្នាំ២០២៣មួយនេះ បានឆ្លងផុតសភាជាន់ខ្ពស់ក្នុងសំឡេង ៦៨ទល់២៩។
ច្បាប់នេះ មានមូលនិធិការពារជាតិអាមេរិកជាង ៨៥០ពាន់លានដុល្លារ និងជាង៧៧០ពាន់លានដុល្លារ សម្រាប់កម្មវិធីមិនមែនការពារជាតិ។

វារួមបញ្ចូលទាំងជំនួយជិត ៤៥ពាន់លានដុល្លារសម្រាប់អ៊ុយក្រែនក្នុងកិច្ចប្រឹងប្រែងធ្វើសង្គ្រាមប្រឆាំងរុស្ស៊ី និង ១៣ពាន់លានដុល្លារ ជាជំនួយសេដ្ឋកិច្ចសម្រាប់រដ្ឋាភិបាលអ៊ុយក្រែនផងដែរ។
ច្បាប់នេះបានកំណត់ទុកប្រាក់ ៣៨ពាន់លានដុល្លារសម្រាប់ជំនួយគ្រោះមហន្តរាយ បង្កើនការចំណាយលើជំនួយស្បៀងអាហារ ការចូលរៀននៅមហាវិទ្យាល័យ និងសុខភាពផ្លូវចិត្ត។
ជាការឆ្លើយតបទៅនឹងការវាយប្រហារកាលពីថ្ងៃទី៦ខែមករា ឆ្នាំ២០២១ លើវិមានកាពីតូលរបស់សហរដ្ឋអាមេរិក ច្បាប់នេះនឹងផ្តល់ប្រាក់ចំនួន ២.៦ ពាន់លានដុល្លារសម្រាប់មេធាវីអាមេរិក ដើម្បីពន្លឿនការកាត់ទោសពាក់ព័ន្ធនឹងការវាយប្រហារ និងករណីភេរវកម្មក្នុងស្រុក។

វាក៏ផ្តល់ប្រាក់ជាង ១១ពាន់លានដុល្លារដល់ FBI ផងដែរ ដើម្បីស៊ើបអង្កេតអំពើភេរវកម្មក្នុងស្រុក និងអំពើហិង្សាជ្រុលនិយម ដែលជាផ្នែកនៃទំហំទឹកប្រាក ៣៩ពាន់លានដុល្លារសម្រាប់ក្រសួងយុត្តិធម៌។
វាទុកជាង ៥២ពាន់លានដុល្លារដើម្បីប្រយុទ្ធប្រឆាំងនឹងអតិផរណា, ២.៧ពាន់លានដុល្លារសម្រាប់ជំនួយលំនៅដ្ឋានដល់អតីតយុទ្ធជន, ៥ពាន់លានដុល្លារដើម្បីជួយថ្លៃថាមពលក្នុងគ្រួសារដែលមានប្រាក់ចំណូលទាបនិងបង្កើនមូលនិធិដល់ ១០ ពាន់លានដុល្លារសម្រាប់ទីភ្នាក់ងារការពារបរិស្ថាន៕
ប្រែសម្រួល៖ Vann Vann
ប្រភព៖ AA
-
ព័ត៌មានជាតិ១ សប្តាហ៍ មុន
តើលោក ឌី ពេជ្រ ជាគូស្នេហ៍របស់កញ្ញា ហ៊ិន ច័ន្ទនីរ័ត្ន ជានរណា?
-
ព័ត៌មានជាតិ៤ ថ្ងៃ មុន
បណ្តាញផ្លូវជាតិធំៗ ១៣ ខ្សែ ចាយទុនរយលានដុល្លារ កំពុងសាងសង់គ្រោងបញ្ចប់ប៉ុន្មានឆ្នាំទៀតនេះ
-
ព័ត៌មានជាតិ២ ថ្ងៃ មុន
មកដល់ពេលនេះ មានប្រទេសចំនួន ១០ ភ្ជាប់ជើងហោះហើរត្រង់មកប្រទេសកម្ពុជា
-
ព័ត៌មានអន្ដរជាតិ៧ ថ្ងៃ មុន
អាហារចម្លែកលើលោកទាំង ១០ បរទេសឃើញហើយខ្លាចរអា
-
ព័ត៌មានជាតិ៤ ថ្ងៃ មុន
និយ័តករអាជីវកម្មអចលនវត្ថុ និងបញ្ចាំ៖ គម្រោងបុរីម៉ន ដានី ទី២៩ នឹងបើកដំណើរការឡើងវិញ នៅដើមខែធ្នូ
-
ព័ត៌មានជាតិ៤ ថ្ងៃ មុន
ច្បាប់មិនលើកលែងឡើយចំពោះអ្នកដែលថតរឿងអាសអាភាស!
-
ជីវិតកម្សាន្ដ១ សប្តាហ៍ មុន
ទិដ្ឋភាពពិធីស្ដីដណ្ដឹងពិធីការិនី ហ៊ិន ច័ន្ទនីរ័ត្ន និង លោក ឌី ពេជ្រ ពោរពេញដោយស្នាមញញឹម
-
ព័ត៌មានជាតិ៣ ថ្ងៃ មុន
សមត្ថកិច្ច ចាប់ឃាត់ខ្លួនបានហើយ បុរសដែលវាយសត្វឈ្លូសហែលទឹកនៅខេត្តកោះកុង