ព័ត៌មានអន្ដរជាតិ
រុស្ស៊ី បន្ទោសកងទ័ពខ្លួន ថា ប្រើប្រាស់ទូរស័ព្ទ ទើបធ្វើឲ្យអ៊ុយក្រែន ចាប់សញ្ញាបាន បាញ់សម្លាប់ច្រើននាក់ (មានវីដេអូ)
នៅថ្ងៃពុធទី០៤ខែមករានេះ ក្រសួងការពារជាតិរុស្ស៊ី បានប្រកាសថា ទាហានជិត៩០នាក់ឯណោះ ត្រូវបានសម្លាប់ក្នុងការវាយប្រហារដោយមីស៊ីលរបស់អ៊ុយក្រែន ដែលបានវាយចំតំបន់លំនៅដ្ឋានបណ្តោះអាសន្ន ប្រើប្រាស់ដោយកងកម្លាំងរុស្ស៊ីក្នុងទីក្រុង Makeyevka នៃសាធារណរដ្ឋប្រជាមានិត Donetsk នៅពាក់កណ្តាលអធ្រាត្រថ្ងៃទី០១ខែមករា។
ក្រសួងនិយាយថា ចំនួនអ្នកស្លាប់បានកើនឡើងដល់ ៨៩នាក់ រួមទាំងមេបញ្ជាការរងនៃអង្គភាពផងដែរ ខណៈសាកសពកាន់តែច្រើន ត្រូវបានទាញចេញពីគំនរបាក់បែកនៃសាលាវិជ្ជាជីវៈមួយ ដែលជាកន្លែងកងទ័ពឈរជើងនៅយប់ឆ្លងឆ្នាំថ្មី។
យោងតាមក្រសួងការពារជាតិ, ទីតាំងនេះ ត្រូវបានកំណត់គោលដៅដោយមីស៊ីលចំនួន៦គ្រាប់ ដែលបាញ់ចេញពីប្រព័ន្ធ HIMARS ផ្គត់ផ្គង់ដោយសហរដ្ឋអាមេរិក។ ក្នុងនោះ មានមីស៊ីលចំនួន៤គ្រាប់ បានហោះទម្លុះខែលការពារដែនអាកាស ហើយវាយប្រហារអគារនៅម៉ោង ០០:០១ រំលងអធ្រាត្រឈានចូលថ្ងៃទី០១ខែមករា។ មីស៊ីល២គ្រាប់ ត្រូវស្ទាក់ចាប់បាន។
ថ្វីបើបេសកកម្មស្វែងរកការពិតនៅតែកំពុងស៊ើបអង្កេតឧប្បត្តិហេតុសោកនាដកម្មនេះក៏ដោយ ប៉ុន្តែគេដឹងច្បាស់រួចទៅហើយថា ហេតុផលចម្បងសម្រាប់អ្វីដែលបានកើតឡើងនោះ គឺដោយសារទាហានបើក និងប្រើប្រាស់ទូរស័ព្ទដៃច្រើនគ្នា ផ្ទុយទៅនឹងការហាមឃាត់។
លោកឧត្តមសេនីយ៍ឯក Sergey Sevryukov មកពីអគ្គនាយកដ្ឋាននយោបាយ និងយោធាសំខាន់នៃកងកម្លាំងប្រដាប់អាវុធរុស្ស៊ីបានប្រាប់អ្នកយកព័ត៌មានថា ការប្រើប្រាស់ទូរស័ព្ទ ក្នុងរយៈចង្ងាយនៃអាវុធដែលសត្រូវបាញ់ដល់ ធ្វើឲ្យកងកម្លាំងអ៊ុយក្រែនតាមដាន និងចាប់សញ្ញាពួកគេបាន៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ RT
ចុចអាន៖ ចំនួនទាហានរុស្ស៊ីដែលស្លាប់ក្នុងការវាយប្រហារដោយអ៊ុយក្រែន នៅថ្ងៃឆ្លងឆ្នាំ មិនមែនត្រឹម៦៣នាក់ទេ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង