Connect with us

ព័ត៌មានអន្ដរជាតិ

ប្រជាជន អឺរ៉ុប សម្រុកកាប់ឈើយកធ្វើអុសដុតដើម្បីកម្ដៅខ្លួននៅរដូវរងានេះ

បានផុស

នៅ

សង្គ្រាមលុកលុយរបស់រុស្ស៊ីមកលើអ៊ុយក្រែនដែលអូសបន្លាយពេលជិត ១ ឆ្នាំមកហើយនោះ បានធ្វើឲ្យតម្លៃថាមពលមានការកើនឡើងយ៉ាងខ្លាំង ជាពិសេសនៅក្នុងរដូវរងានេះ ហើយករណីនេះក៏កំពុងបង្ខំប្រជាជនអឺរ៉ុបជាច្រើនសម្រុកកាប់ឈើយកមកធ្វើអុសដើម្បីដុតកម្ដៅខ្លួនផងដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅប្រទេសអាល្លឺម៉ង់ អ្នកលក់អុសកំពុងប្រឈមនឹងតម្រូវការផ្គត់ផ្គង់មិនធ្លាប់មាន ខណៈម្ចាស់ដីវិញមានការព្រួយបារម្ភថា ព្រៃឈើរបស់ពួកគេអាចនឹងត្រូវចោរលួចកាប់ ដើម្បីយកធ្វើអុសលក់ ។

ពាក់ព័ន្ធនឹងបញ្ហានេះដែរ អង្គការក្រៅរដ្ឋាភិបាលបានព្រមានថា តម្រូវការអុសកាន់តែច្រើននឹងនាំឲ្យមានការកើនឡើងនៃការកាប់ឈើខុសច្បាប់ និងធ្វើឲ្យការការពារព្រៃឈើប្រឈមនឹងហានិភ័យផងដែរ ។

លោក Martin Pigeon អ្នកធ្វើយុទ្ធនាការការពារព្រៃឈើនៅអង្គការ Fern និយាយថា “មនុស្សនឹងកាប់ឈើរាប់លានតោនយកធ្វើអុសដុតនៅរដូវរងានេះ ហើយវិធីដោះស្រាយនោះគឺការណែនាំឲ្យមានថាមពលកកើតឡើងវិញ (RED) ដែលជាផ្នែកមួយនៃច្បាប់របស់អឺរ៉ុប” ។

បើយោងតាមរបាយការណ៍របស់ក្រសួងកសិកម្មអាមេរិក (USDA) បានឲ្យដឹងថា ក្នុងឆ្នាំ ២០២១ ពោលមុនសង្គ្រាមលុកលុយរបស់រុស្ស៊ីលើអ៊ុយក្រែន, សហភាពអឺរ៉ុបបានប្រើប្រាស់ឈើចំនួន ២៣.១ លានតោន ដែលភាគច្រើនឈើទាំងនោះយកទៅសាងសង់ផ្ទះនៅក្នុងប្រទេសអាល្លឺម៉ង់ ក៏ដូចជាយកទៅដុតជាមួយធ្យូងថ្មនៅក្នុងរោងចក្រថាមពល ។

របាយការណ៍បាននិយាយទៀតថា ចំណែកតម្រូវការឈើនៅឆ្នាំ ២០២២ វិញមានការកើនឡើងលើសពីឆ្នាំ ២០២១ ចំនួន ១.២ លានតោន ដោយសារតែការដាក់ទណ្ឌកម្មថាលពលរបស់សហភាពអឺរ៉ុបទៅលើប្រទេសរុស្ស៊ី ពាក់ព័ន្ធនឹងប្រតិបត្តិការយោធាពិសេសរបស់រុស្ស៊ីលើអ៊ុយក្រែន ចាប់ពីថ្ងៃទី២៤ ខែកុម្ភៈ ឆ្នាំ២០២២ មក ៕

ប្រែសម្រួលដោយ ៖ ជីវ័ន្ត

ប្រភព ៖ FOX News / Wired

ចុចអាន ៖ លោក Zelensky អួតតែពីអាវុធលោកខាងលិចផ្ដល់ឲ្យ អ៊ុយក្រែន ឯប្រទេស​កំពុងខ្ទេចខ្ទី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ នាទី មុន

ទេសរដ្ឋមន្ត្រី លី ធុជ ចាត់​ទុក​ជំនួយ​របស់​ចិន គឺជា​ផ្នែក​ដ៏​សំខាន់​ក្នុង​ដំណើរការ​ឆ្ពោះទៅ​កម្ពុជា​គ្មាន​មីន​ឆ្នាំ​២០២៥

ព័ត៌មានជាតិ១៣ នាទី មុន

មេបញ្ជាការ​កងទ័ពជើងគោក កម្ពុជា​-​ហ្វីលីពីន ចុះហត្ថលេខា​រួមគ្នាស្តីពី​កិច្ចសហប្រតិបត្តិការ​រ​វាង​កងទ័ពជើងគោក នៃ​ប្រទេស​ទាំងពីរ

ជីវិតកម្សាន្ដ៤៣ នាទី មុន

Dior កើនភាគហ៊ុនខ្ពស់បំផុតមិនធ្លាប់មាន ក្រោយតែងតាំង Jimin ជាទូតសុឆន្ទៈបានពីរថ្ងៃ

កីឡា២ ម៉ោង មុន

ដើមឆ្នាំ​២០២៣ កីឡាករ​ជម្រើសជាតិ​កម្ពុជា ២​នាក់​ហើយ បានប្រកាស​ព្យួរ​ស្បែកជើង

ព័ត៌មានជាតិ២ ម៉ោង មុន

ក្រមប្រតិបត្តិគ្រឹះស្ថានធនាគារ និងហិញ្ញវត្ថុ ត្រូវបានប្រកាសដាក់ឱ្យអនុវត្តពេញលេញ

Sokha Hotels

ព័ត៌មានពេញនិយម