ព័ត៌មានអន្ដរជាតិ
ឫសគល់ខ្លះៗដែលនាំឲ្យលោក Nguyen Xuan Phuc លាលែងពីតំណែងជាប្រធានាធិបតី វៀតណាម
កាលពីថ្ងៃអង្គារកន្លងទៅ គណៈកម្មាធិការមជ្ឈិមនៃគណបក្សកុម្មុយនិស្តវៀតណាម បានសម្រេចយល់ព្រមឲ្យលោក Nguyen Xuan Phuc លាលែងពីតំណែងជាប្រធានាធិបតីនៃប្រទេសវៀតណាម រួមទាំងតំណែងជាសមាជិកនៅក្នុងការិយាល័យនយោបាយ ក៏ដូចជានៅក្នុងគណៈកម្មាធិការមជ្ឈិម ដោយស្របទៅតាមការស្នើរបស់លោកផ្ទាល់ ។
ចំពោះមូលហេតុនៃការលាលែងពីតំណែងនេះ ត្រូវបានគណៈកម្មាធិការមជ្ឈិមបក្សកុម្មុយនិស្តវៀតណាមចេញសេចក្ដីថ្លែងការណ៍បញ្ជាក់ថា គឺបណ្ដាលមកពីលោក Phuc បានបណ្ដោយឲ្យមន្ត្រីរដ្ឋាភិបាលមួយចំនួន រួមទាំងឧបនាយករដ្ឋមន្ត្រី ២ រូប និងរដ្ឋមន្ត្រី ៣ រូប ប្រព្រឹត្តអំពើប្រាស់ចាកផ្សេងៗពាក់ព័ន្ធនឹងវិធានការកូវីដ ១៩ ដែលបណ្ដាលឲ្យមានផលវិបាកធ្ងន់ធ្ងរ ។
សេចក្តីថ្លែងការណ៍បានឲ្យដឹងទៀតថា ឧបនាយករដ្ឋមន្ត្រីវៀតណាម ២ រូបដូចជាលោក Pham Binh Minh និងលោក Vu Duc Dam បានលាលែងពីមុខតំណែង ខណៈរដ្ឋមន្ត្រី ២ រូប និងមន្ត្រីមួយចំនួនទៀត កំពុងប្រឈមនឹងការចោទប្រកាន់បទល្មើសព្រហ្មទណ្ឌ ហើយដោយសារតែលោក Phuc ដឹងយ៉ាងច្បាស់អំពីទំនួលខុសត្រូវនេះ លោក Phuc បានសម្រេចដាក់សំណើសុំលាលែងពីតំណែងរបស់លោក ហើយចូលនិវត្តន៍ពីនយោបាយតែម្ដង” ។
គួរបញ្ជាក់ថា លោក Phuc ដែលមានវ័យ ៦៩ ឆ្នាំគឺជាសមាជិកនៃគណៈកម្មាធិការមជ្ឈិមបក្សកុម្មុយនិស្តនៅក្នុងការិយាល័យនយោបាយ និងនៅក្នុងរដ្ឋសភាអស់រយៈពេលជាច្រើនអាណត្តិមកហើយ ហើយពីឆ្នាំ ១៩៩៧ ដល់ ២០០៦ លោកជាប្រធានគណៈកម្មាធិការប្រជាជនខេត្ត Quang Nam ។
ក្រោយមកលោក Phuc ត្រូវបានតែងតាំងជាប្រធានការិយាល័យរដ្ឋាភិបាលក្នុងឆ្នាំ ២០០៦ និងជាឧបនាយករដ្ឋមន្ត្រីក្នុងឆ្នាំ ២០១១ មុនពេលក្លាយជានាយករដ្ឋមន្ត្រីនា ៥ ឆ្នាំក្រោយ ពោលនៅឆ្នាំ ២០១៦ ខណៈនៅខែមេសា ឆ្នាំ ២០២១ លោក Phuc ត្រូវបានបោះឆ្នោតជ្រើសរើសជាប្រធានាធិបតីតែម្ដង ៕
ប្រែសម្រួលដោយ ៖ ជីវ័ន្ត
ប្រភព ៖ VN Express
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង