យោងតាមសេចក្ដីប្រកាសព័ត៌មានដែលចេញផ្សាយដោយគេហទំព័រក្រសួងការបរទេសអាល្លឺម៉ង់បានឲ្យដឹងថា ប្រធានាធិបតី​អាល្លឺម៉ង់លោក Frank-Walter Steinmeier នឹងអញ្ជើញមកបំពេញទស្សនកិច្ចផ្លូវការនៅព្រះរាជាណាចក្រកម្ពុជានាថ្ងៃទី១៣ ដល់ថ្ងៃទី១៥ ខែកុម្ភៈ ឆ្នាំ ២០២៣ នេះ ។

នៅក្នុងដំណើរទស្សនៈកិច្ចនេះ លោកប្រធានាធិបតីអាល្លឺម៉ង់ នឹងជួបពិភាក្សាជាមួយថ្នាក់ដឹកនាំកម្ពុជា ហើយលោកនឹងចុះទៅពិនិត្យដោយផ្ទាល់អំពីស្ថានភាពបច្ចុប្បន្ននៃកិច្ចខិតខំប្រឹងប្រែងបោសសម្អាតមីនដែលអាល្លឺម៉ង់កំពុងគាំទ្រដល់កម្ពុជា​ ក៏ដូចជាការងារជួសជុលមួយចំនួនដែលកំពុងធ្វើឡើងនៅបរិវេណប្រាសាទអង្គរវត្តនៃខេត្តសៀមរាបផងដែរ ។

ទន្ទឹមនឹងនោះ លោក Frank-Walter Steinmeier ក៏នឹងអញ្ជើញទៅទស្សនា​កន្លែង​ប្រវត្តិសាស្រ្ត​នៃ​ខ្មែរក្រហម​ផង​ដែរ មុនពេលប្រធានាធិបតីអាល្លឺម៉ង់រូបនេះអញ្ជើញទៅបំពេញទស្សនកិច្ចប្រទេសម៉ាឡេស៊ី ៕

ប្រែសម្រួលដោយ ៖ នាង​ រតនៈ

ប្រភព ៖ De Bundespraesident

ចុចអាន ៖ មេដឹកនាំ Chechen អះអាងថា ប្រតិបត្តិការសឹករបស់ រុស្ស៊ី នៅ អ៊ុយក្រែន នឹងចប់ មិនដល់ចុងឆ្នាំនេះផង