សិស្ស តៃវ៉ាន់ អាចដាក់ពាក្យចូលរៀននៅ មហាវិទ្យាល័យ ចិន ដីគោកបាន

តាមការបញ្ជាក់របស់អ្នកនាំពាក្យចិនដីគោកបានឲ្យដឹងថា សិស្សតៃវ៉ាន់ដែលបានបញ្ចប់ការសិក្សាថ្នាក់វិទ្យាល័យ អាចដាក់ពាក្យចូលរៀននៅគ្រឹះស្ថានឧត្តមសិក្សានៅចិនដីគោកបាន ជាមួយនឹងលទ្ធផលប្រឡងចូលមហាវិទ្យាល័យពីតៃវ៉ាន់ ។

លោកស្រី Zhu Fenglian អ្នក​នាំ​ពាក្យ​ការិយាល័យ​កិច្ចការ​តៃវ៉ាន់​បានឲ្យដឹងថា ចាប់ពីថ្ងៃទី ១ ខែមីនា ឆ្នាំ ២០២៣ សិស្សមកពីតៃវ៉ាន់អាចដាក់ពាក្យសុំចូលសិក្សានៅគ្រឹះស្ថានឧត្តមសិក្សានៅចិនដីគោកចំនួន ៤១២ កន្លែងតាមរយៈប្រព័ន្ធអនឡាញ ដោយប្រើពិន្ទុដែលពួកគេធ្វើបានក្នុងការធ្វើតេស្តសមត្ថភាពសិក្សាសម្រាប់ការប្រឡងចូលមហាវិទ្យាល័យនៅតៃវ៉ាន់ ។

​ចំពោះសិស្សដែលប្រឡងចូលរៀនផ្នែកបច្ចេកវិទ្យា និងការអប់រំវិជ្ជាជីវៈរបស់តៃវ៉ាន់ អាចជ្រើសរើសមហាវិទ្យាល័យសម្រាប់ជំនាញមួយននេះនៅចិនដីគោលបានរហូតដល់ ១៩ កន្លែង ។

ជាចុងក្រោយលោកស្រី Zhu បានបញ្ជាក់ថា “យើងស្វាគមន៍និស្សិតតៃវ៉ាន់ដែលមានសមត្ថភាពទាំងអស់ដើម្បីដាក់ពាក្យសុំចូលសិក្សានៅគ្រឹះស្ថានឧត្តមសិក្សារបស់ចិនដីគោក ហើយយើង​នឹង​បន្ត​ផ្តល់​ភាពងាយស្រួល​ដល់​អ្នក​ដែល​សិក្សា​នៅចិន​ដីគោកផងដែរ” ៕

ប្រែសម្រួលដោយ ៖ នាង រតនៈ

ប្រភព ៖ Xinhua