ព័ត៌មានអន្ដរជាតិ
អនុប្រធានាធិបតី Mike Pence បដិសេធការប្រើវិសោធនកម្មទី២៥ដើម្បីទម្លាក់លោក Trump
អនុប្រធានាធិបតីសហរដ្ឋអាមេរិកលោក Mike Pence បាននិយាយនៅថ្ងៃពុធនេះថា លោកសូមជំទាស់ចំពោះការអំពាវនាវ ឲ្យយកវិសោធនកម្មទី២៥មកប្រើដើម្បីដកលោកប្រធានាធិបតី Donald Trump ចេញពីតំណែង។
នៅក្នុងលិខិតមួយកាលពីល្ងាចថ្ងៃអង្គារទៅកាន់ប្រធានសភាលោកស្រី Nancy Pelosi, លោក Pence បាននិយាយថា យន្តការនេះមិនគួរត្រូវបានប្រើជាមធ្យោបាយនៃការដាក់ទណ្ឌកម្ម ឬការដណ្តើមអំណាចឡើយ។

លោកស្រី Pelosi បានអំពាវនាវឲ្យលោក Pence ធានាឲ្យបាននូវសំឡេងភាគច្រើននៃគណរដ្ឋមន្ត្រីនិងការបោះឆ្នោតដើម្បីប្រកាសថា លោក Trump មិនសមនឹងធ្វើជាប្រធានាធិបតីទេ។
លោក Pence សរសេរថា “ខណៈនៅសល់តែ៨ថ្ងៃទៀតប៉ុណ្ណោះក្នុងអាណត្តិជាប្រធានាធិបតី អ្នកនិងអ្នកប្រជាធិបតេយ្យបានទាមទារឲ្យគណៈរដ្ឋមន្រ្តីនិងខ្ញុំ ធ្វើវិសោធនកម្មទី២៥។ ខ្ញុំមិនជឿថា សកម្មភាពបែបនេះគឺជាផលប្រយោជន៍ជាតិរបស់យើងឬស្របនឹងរដ្ឋធម្មនុញ្ញរបស់យើងទេ”។

ស្របពេលជាមួយគ្នានោះ លោក Pence បានលើកទឹកចិត្តសភាឲ្យចៀសវាងសកម្មភាពនានា ដែលធ្វើឲ្យបែកបាក់និងបំប៉ោងស្ថានការណ៍ហើយត្រូវផ្តោតលើការធ្វើឲ្យរលូន នូវដំណើរការផ្ទេរអំណាចទៅឲ្យរដ្ឋបាលរបស់ប្រធានាធិបតីជាប់ឆ្នោតលោក Joe Biden។
លោកស្រី Pelosi និយាយថា ប្រសិនបើលោក Pence បដិសេធប្រើប្រាស់ការធ្វើវិសោធនកម្មទី២៥នេះ សភានឹងចាប់ផ្តើមដំណើរការប្តឹងចោទប្រកាន់គាត់។ អ្នកសាធារណរដ្ឋចំនួន៣រូប បាននិយាយរួចទៅហើយថា ពួកគេនឹងបោះឆ្នោតគាំទ្រ៕
ប្រែសម្រួលដោយ៖ Vann Vann
ប្រភព៖ CNA
ចុចអាន៖ តំណាងរាស្រ្តគណបក្សសាធារណរដ្ឋ៣រូប ប្រកាសគាំទ្រការប្តឹងចោទប្រកាន់លោក Trump

-
ព័ត៌មានអន្ដរជាតិ១ ថ្ងៃ ago
ព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានជាតិ២ ថ្ងៃ ago
អគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៥ ថ្ងៃ ago
OPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ១ សប្តាហ៍ ago
ថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ១ សប្តាហ៍ ago
កម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ៥ ថ្ងៃ ago
រដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ១ សប្តាហ៍ ago
«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ
-
សន្តិសុខសង្គម២ ថ្ងៃ ago
ជនមិនស្គាល់មុខ លីបារី ១០៥ សុង ឆ្លងកាត់ច្រកអន្តរជាតិភ្នំដី ត្រូវកម្លាំងគយចាប់បាន