Breaking News! ធ្លាក់យន្តហោះរបស់ទ័ព រុស្ស៊ី បណ្ដាលឲ្យស្លាប់ពីឡុត

អាជ្ញាធរក្នុងតំបន់បានប្រកាសនៅថ្ងៃព្រហស្បតិ៍នេះថា យន្តហោះ Su-25 របស់កងកម្លាំងរុស្ស៊ីបានធ្លាក់នៅតំបន់ Belgorod ភាគខាងលិចរបស់ប្រទេស ដោយបណ្ដាលឲ្យពីឡុតបាត់បង់ជីវិត ខណៈយោងតាមទិន្នន័យបឋម គ្រោះមហន្តរាយនេះបណ្តាលមកពីបញ្ហាបច្ចេកទេស ។

ទន្ទឹមនោះ ក្រសួងការពារជាតិរុស្ស៊ីបានរាយការណ៍ដែរថា បន្ទាប់ពីបញ្ចប់បេសកកម្មប្រយុទ្ធ យន្តហោះ Su-25 របស់កងកម្លាំងអាកាសរុស្ស៊ីបានធ្លាក់ ខណៈពេលដែលត្រឡប់ទៅមូលដ្ឋានរបស់ខ្លួនវិញនៅក្នុងតំបន់ Belgorod ។

អភិបាលតំបន់លោក Vyacheslav Gladkov បាននិយាយនៅលើបណ្ដាញ Telegram ថា “យន្តហោះរបស់ក្រសួងការពារជាតិរុស្ស៊ីបានធ្លាក់នៅក្នុងស្រុក Valuysky ហើយឥឡូវនេះក្រុមស៊ើបអង្កេត និងបុគ្គលិកនៃក្រសួងសង្គ្រោះបន្ទាន់កំពុងធ្វើការនៅនឹងកន្លែងនោះ ដើម្បីធ្វើការវាយតម្លៃ” ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ រុស្ស៊ី អះអាងថា លោក Biden ហ៊ានទៅ អ៊ុយក្រែន ព្រោះមានការធានា សន្តិសុខពីទីក្រុងមូស្គូ