Connect with us

ព័ត៌មានអន្ដរជាតិ

កូរ៉េ​ខាង​ជើង ​បាញ់​មីស៊ីល៤គ្រាប់ ដើម្បី​បង្ហាញ​សមត្ថភាព​វាយ​ប្រហារ​នុយក្លេអ៊ែរ 

បានផុស

នៅ

ប្រព័ន្ធផ្សព្វផ្សាយរដ្ឋបានរាយការណ៍នៅថ្ងៃសុក្រទី២៥ខែកុម្ភៈថា ប្រទេសកូរ៉េខាងជើង បានបាញ់សាកល្បងមីស៊ីលផ្លោងយុទ្ធសាស្ត្រចំនួន៤គ្រាប់ ក្នុងអំឡុងសមយុទ្ធដែលធ្វើឡើងដើម្បីបង្ហាញពីសមត្ថភាពរបស់ខ្លួន ក្នុងការវាយប្រហារនុយក្លេអ៊ែរតបត ប្រឆាំងនឹងកងកម្លាំងសត្រូវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាម CNA, សមយុទ្ធនេះមានការពាក់ព័ន្ធនឹងអង្គភាពមីស៊ីលផ្លោងយុទ្ធសាស្ត្រប្រតិបត្តិការ របស់កងទ័ពប្រជាជនកូរ៉េ ដែលបានបាញ់មីស៊ីលHwasal-2 ចំនួន៤គ្រាប់នៅក្នុងតំបន់ Kim Chaek នៃខេត្ត Hamgyong ខាងជើង ឆ្ពោះទៅសមុទ្រភាគខាងកើតឧបទ្វីបកូរ៉េ។

អង្គភាពផ្សេងទៀត ក៏បានធ្វើការហ្វឹកហ្វឺនកងកម្លាំងពន្លត់អគ្គិភ័យផងដែរ។

របាយ​ការណ៍​​បានឲ្យដឹង​ថា មីស៊ីល​យុទ្ធសាស្ត្រ​ទាំង៤​គ្រាប់ ​បាន​បាញ់​ដល់​គោលដៅ​ដែល​ត្រូវ​កំណត់​ទុក ​បន្ទាប់​ពី​ធ្វើ​ដំណើរ​តាម​គន្លង​រាង​អេលីប​ចម្ងាយ ២០០០ គីឡូម៉ែត្រ។

សមយុទ្ធនេះបានបង្ហាញពីជំហរសង្រ្គាមនៃកងកម្លាំងប្រយុទ្ធនុយក្លេអ៊ែររបស់កូរ៉េខាងជើង ដែលពង្រឹងសមត្ថភាពវាយប្រហារនុយក្លេអ៊ែរដ៏ប្រល័យរបស់ខ្លួនជារៀងរាល់ថ្ងៃ ប្រឆាំងនឹងកងកម្លាំងអរិភាព។

គួរបញ្ជាក់ថា កូរ៉េខាងជើង បានឈានទៅមុខជាលំដាប់ ក្នុងការអភិវឌ្ឍនិងផលិតមីស៊ីលថ្មីៗ ថ្វីបើមានការដាក់ទណ្ឌកម្មដោយសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ ដែលហាមប្រាមសកម្មភាពមីស៊ីលរបស់ប្រទេសដែលមានអាវុធនុយក្លេអ៊ែរនេះក៏ដោយ។

ការបាញ់បង្ហោះជាច្រើនលើក រួមទាំងមីស៊ីលផ្លោងអន្តរទ្វីប (ICBM) កាលពីថ្ងៃសៅរ៍សប្តាហ៍មុនផងដែរនោះ ត្រូវបានប្រព័ន្ធផ្សព្វផ្សាយរដ្ឋរាយការណ៍ថា ជាសមយុទ្ធធ្វើឡើងដើម្បីកែលម្អសមត្ថភាពរបស់កងទ័ពដែលកំពុងប្រតិបត្តិការអាវុធ៕

ប្រែសម្រួល៖ Vann Vann

ប្រភព៖ CNA

ចុចអាន៖ កូរ៉េ ខាងជើង គំរាមធ្វើ សកម្មភាព យោធាតបត បើ កូរ៉េខាងត្បូង និង អាមេរិក ចាប់ផ្តើមសមយុទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៥ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម