ឆេះស្ថានីយស្តុកប្រេងឥន្ធនៈឥណ្ឌូណេស៊ី ស្លាប់មនុស្ស ១៦នាក់

មនុស្សចំនួន១៦នាក់បានស្លាប់ ក្នុងគ្រោះអគ្គិភ័យនៅស្ថានីយស្តុកប្រេងឥន្ធនៈ ក្នុងរដ្ឋធានី ហ្សាការតា នៃប្រទេសឥណ្ឌូណេស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ថានីយនេះដំណើរការដោយក្រុមហ៊ុនថាមពលរដ្ឋរបស់ប្រទេសឥណ្ឌូណេស៊ី Pertamina។

អ្នករស់នៅក្បែរនោះត្រូវបានជម្លៀសចេញ ហើយកម្លាំងពន្លត់អគ្គិភ័យរបស់ទីក្រុងហ្សាការតា បានបញ្ជូនអង្គភាពចំនួន៥២ ដើម្បីឆ្លើយតបទៅនឹងការឆាបឆេះនេះ។

លោក Nicke Widyawati នាយកប្រតិបត្តិក្រុមហ៊ុន បានប្រាប់ CNN ឥណ្ឌូណេស៊ីថា ក្រុមហ៊ុន Pertamina នឹងស៊ើបអង្កេតរកមូលហេតុនៃអគ្គិភ័យនេះ និងរ៉ាប់រងការព្យាបាលដល់អ្នកដែលប៉ះពាល់។

គួរបញ្ជាក់ថា កាលពីឆ្នាំ២០១៨ ការកំពប់ប្រេងដែលបណ្តាលមកពីការលេចធ្លាយបំពង់បង្ហូរប្រេងឆៅក្រោមសមុទ្ររបស់ក្រុមហ៊ុន Pertamina បានសម្លាប់អ្នកនេសាទចំនួន៥នាក់។

នៅពេលនោះ អាជ្ញាធរឥណ្ឌូណេស៊ីបានប្រកាសស្ថានភាពនៃការឆ្លើយតបជាបន្ទាន់ ដោយសារទំហំនៃការធ្លាយប្រេង និងការខូចខាតបរិស្ថាននៅឆ្នេរសមុទ្ររបស់ប្រទេសអាស៊ីអាគ្នេយ៍មួយនេះ៕

ប្រែសម្រួល៖ Vann Vann

ប្រភព៖ CNN

ចុចអាន៖ អគ្គិភ័យឆេះអាគារកាស៊ីណូ ប៉ារីសបូព៌ា នៅក្រុងបាវិត