ព័ត៌មានអន្ដរជាតិ
លោក ចូ បៃដិន ផ្លាស់ប្ដូរមធ្យោបាយធ្វើដំណើរទៅស្បថចូលកាន់តំណែង ដោយព្រួយបារម្ភពីសន្តិសុខ
ប្រធានាធិបតីជាប់ឆ្នោតសហរដ្ឋលោក ចូ បៃដិន នឹងមិនធ្វើដំណើរតាមរថភ្លើង Amtrak ទៅកាន់ទីក្រុងវ៉ាស៊ីនតោនឌីស៊ីនៅថ្ងៃទី ២០ ខែមករា សម្រាប់ការស្បថចូលកាន់តំណែងរបស់លោកនោះទេ ចំពេលមានការព្រួយបារម្ភផ្នែកសន្តិសុខកាន់តែខ្លាំងឡើង ។ នេះបើយោងតាមសារព័ត៌មាន CNN បានដកស្រង់សំដីមន្ត្រី ២ រូបដែលបានដឹងអំពីផែនការនេះ ។

ប្រធានាធិបតីជាប់ឆ្នោត ចូ បៃដិន ធ្លាប់បានណែនាំក្រុមរបស់លោកបន្តធ្វើតាមការផែនការដែលបានគ្រោងទុកសម្រាប់ពិធីស្បថចូលកាន់តំណែង និងមិនខ្លាចពីផលវិបាកណាមួយដែលអាចកើតឡើងដោយសារតែកុបកម្ម ឬការរីករាលដាលនៃជំងឺកូវីដ ១៩ ឡើយដោយនឹងធ្វើដំណើរតាមរថភ្លើងជាមួយអ្នកពាក់ព័ន្ធរបស់លោកទៅកាន់ទីក្រុងវ៉ាស៊ីនតោនឌីស៊ី ។

លោក បៃដិន ត្រូវបានគេសន្មត់ថានឹងធ្វើដំណើររយៈពេល ៩០ នាទីលើរថភ្លើង Amtrak ពីទីក្រុង Wilmington រដ្ឋ Delaware ទៅស្ថានីយ៍រថភ្លើង Union Station ក្នុងរដ្ឋធានីដែលមានចម្ងាយតែប៉ុន្មានគីឡូម៉ែត្រប៉ុណ្ណោះពីវិមានកាពីតូលអាមេរិក ខណៈឥឡូវនេះត្រូវបានការពារយ៉ាងខ្លាំងដើម្បីឆ្លើយតបទៅនឹងការវាយលុកកាលពីសប្តាហ៍មុន ។

ក្រុមរបស់លោក Biden បាននិយាយនៅក្នុងសេចក្តីថ្លែងការណ៍មួយដែលបានចែករំលែកដោយទូរទស្សន៍ CNN ថា “ក្នុងរយៈពេលមួយសប្តាហ៍ចាប់តាំងពីការវាយប្រហារទៅលើវិមានសភាដោយហ្វូងមនុស្សគ្មានសណ្ដាប់ធ្នាប់ដែលរួមមានទាំងក្រុមភេរវករក្នុងស្រុក និងក្រុមជ្រុលនិយមហិង្សា ប្រទេសជាតិបានបន្តស្វែងយល់បន្ថែមទៀតអំពីការគំរាមកំហែងដល់លទ្ធិប្រជាធិបតេយ្យរបស់យើង និងអំពីសក្តានុពលនៃអំពើហិង្សាបន្ថែមទៀតនៅថ្ងៃខាងមុខទាំងនៅក្នុងរដ្ឋធានី និងតាមទីក្រុងនានានៅទូទាំងប្រទេស ។ នេះគឺជាបញ្ហាប្រឈមដែលប្រធានាធិបតីជាប់ឆ្នោត និងក្រុមរបស់លោកយកចិត្តទុកដាក់ខ្លាំងបំផុត” ។

មនុស្ស ៥ នាក់បានស្លាប់នៅថ្ងៃទី ៦ ខែមករា បន្ទាប់ពីក្រុមអ្នកគាំទ្រលោក ដូណាល់ ត្រាំ បានសម្រុកចូលវិមានកាពីតូលអាមេរិកដើម្បីតវ៉ានឹងលទ្ធផលនៃការបោះឆ្នោតដែលបញ្ជាក់ថាលោក ចូ បៃដិន ទទួលបានជ័យជម្នះ ខណៈឧប្បត្តិហេតុដ៏សាហាវនេះបានកើតឡើងត្រឹមតែរយៈពេលពីរសប្តាហ៍ប៉ុណ្ណោះ មុនពេលដែលលោក ចូ បៃដិន ស្បថចូលកាន់តំណែងជាប្រធានាធិបតីសហរដ្ឋអាមេរិកទី ៤៦ នៅថ្ងៃទី ២០ ខែមករា ៕

ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ សហរដ្ឋអាមេរិក ប្រហារជីវិតអ្នកទោសស្រ្តីទី១ក្នុងរយៈពេល៦៧ឆ្នាំ
-
ព័ត៌មានជាតិ១ សប្តាហ៍ មុន
តើលោក ឌី ពេជ្រ ជាគូស្នេហ៍របស់កញ្ញា ហ៊ិន ច័ន្ទនីរ័ត្ន ជានរណា?
-
ព័ត៌មានជាតិ៤ ថ្ងៃ មុន
បណ្តាញផ្លូវជាតិធំៗ ១៣ ខ្សែ ចាយទុនរយលានដុល្លារ កំពុងសាងសង់គ្រោងបញ្ចប់ប៉ុន្មានឆ្នាំទៀតនេះ
-
ព័ត៌មានជាតិ២ ថ្ងៃ មុន
មកដល់ពេលនេះ មានប្រទេសចំនួន ១០ ភ្ជាប់ជើងហោះហើរត្រង់មកប្រទេសកម្ពុជា
-
ព័ត៌មានអន្ដរជាតិ៧ ថ្ងៃ មុន
អាហារចម្លែកលើលោកទាំង ១០ បរទេសឃើញហើយខ្លាចរអា
-
ព័ត៌មានជាតិ៤ ថ្ងៃ មុន
និយ័តករអាជីវកម្មអចលនវត្ថុ និងបញ្ចាំ៖ គម្រោងបុរីម៉ន ដានី ទី២៩ នឹងបើកដំណើរការឡើងវិញ នៅដើមខែធ្នូ
-
ព័ត៌មានជាតិ៤ ថ្ងៃ មុន
ច្បាប់មិនលើកលែងឡើយចំពោះអ្នកដែលថតរឿងអាសអាភាស!
-
ជីវិតកម្សាន្ដ១ សប្តាហ៍ មុន
ទិដ្ឋភាពពិធីស្ដីដណ្ដឹងពិធីការិនី ហ៊ិន ច័ន្ទនីរ័ត្ន និង លោក ឌី ពេជ្រ ពោរពេញដោយស្នាមញញឹម
-
ព័ត៌មានជាតិ២ ថ្ងៃ មុន
សមត្ថកិច្ច ចាប់ឃាត់ខ្លួនបានហើយ បុរសដែលវាយសត្វឈ្លូសហែលទឹកនៅខេត្តកោះកុង