ថៃ ជួបព្យុះរដូវក្តៅដ៏ខ្លាំងក្លា ដោយសីតុណ្ហភាពកើនលើស ៤០អង្សាសេ (មានវីដេអូ)

នាយកដ្ឋានឧតុនិយមថៃបានប្រកាសថា អ្នកស្រុកនៅភាគខាងលើនៃប្រទេសថៃ គួរតែត្រៀមខ្លួនសម្រាប់លក្ខខណ្ឌអាកាសធាតុដ៏ធ្ងន់ធ្ងរ ដោយសារតែព្យុះរដូវក្តៅនឹងបន្តដល់ថ្ងៃពុធទី២៩ខែមីនា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមនាយកដ្ឋាន, ភាគឦសាន នឹងក្លាយជាតំបន់ដំបូងគេដែលរងការវាយប្រហារដោយខ្យល់បក់ខ្លាំង មុនពេលព្យុះរីករាលដាលទៅកាន់តំបន់ផ្សេងទៀត។

ទន្ទឹមនោះ នាយកដ្ឋាននិយាយថា ប្រជាជននៅផ្នែកខាងលើនៃប្រទេសថៃ គួរតែប្រុងប្រយ័ត្នពេលចេញទៅខាងក្រៅ ជាពិសេសកុំទៅតំបន់មានដើមឈើធំៗ និងផ្ទាំងប៉ាណូដែលគ្មានសុវត្ថិភាព។ នាយកដ្ឋានក៏​បាន​ជំរុញ​ឲ្យ​កសិករ ខិតខំថែទាំ​ដំណាំរបស់ពួកគេ កុំឲ្យខូចខាតផងដែរ​។

គួរបញ្ជាក់ថា សីតុណ្ហភាពនៅក្នុងស្រុក Muang នៃខេត្ត Nong Khai និងស្រុក Muang នៃខេត្ត Mukdahan បានឡើងដល់ ៤១.៣អង្សាសេកាលពីថ្ងៃសៅរ៍ទី២៥ខែមីនា។

ស្រុក​ពីរ​ផ្សេង​ទៀត ដែល​មាន​សីតុណ្ហភាព​លើស​​៤០​អង្សា​សេ​គឺ​ស្រុក Muang នៃខេត្ត Petchabun (៤១.២​អង្សាសេ) និង​ស្រុក Chai Badan ​នៃ​ខេត្ត Lopburi (៤០.២​អង្សាសេ)៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Nation

ចុចអាន៖ ព្យុះព្រះអាទិត្យនឹងវាយប្រហារភពផែនដី ចាប់ពីស្អែកទៅ