ព័ត៌មានអន្ដរជាតិ
ព្យុះព្រះអាទិត្យនឹងវាយប្រហារភពផែនដី ចាប់ពីស្អែកទៅ
អ្នកវិទ្យាសាស្ត្រអង្គការណាសា និយាយថា តំបន់ខ្មៅដែលមានទំហំធំជាងផែនដីប្រហែល៣០ ត្រូវបានគេរកឃើញនៅលើផ្ទៃព្រះអាទិត្យ កាលពីដើមសប្តាហ៍នេះ ហើយគេរំពឹងថា នឹងបង្កឲ្យមានព្យុះព្រះអាទិត្យ ធ្វើឲ្យភពផែនដីក្តៅខ្លាំងនៅចុងសប្តាហ៍នេះ។
បេសកកម្មសង្កេតថាមពលព្រះអាទិត្យរបស់អង្គការណាសា បានបញ្ចេញរូបថតនៃព្រះអាទិត្យ ដែលបង្ហាញពីតំបន់ងងឹត ឬត្រូវបានគេស្គាល់ថា “ប្រហោង Coronal”។
លោក Alex Young នាយករងផ្នែកវិទ្យាសាស្ត្រ នៅក្របខ័ណ្ឌវិទ្យាសាស្ត្រព្រះអាទិត្យអង្គការណាសា បានប្រាប់សារព័ត៌មាន Insider ថា “ប្រហោងនេះមានទំហំធំជាងផែនដីប្រហែល២០ទៅ៣០ដង”។
ណាសា និយាយថា ទោះបីជាត្រូវបានពិពណ៌នាថាជាប្រហោងក៏ដោយ ប៉ុន្តែវាគឺជាតំបន់មួយនៅលើផ្ទៃព្រះអាទិត្យដែលមានសីតុណ្ហភាពក្តៅតិចជាងតំបន់ផ្សេងទៀត។
យោងតាមអង្គការណាសា, ប្រហោង Coronal គឺជាកន្លែងដែលបញ្ចេញខ្យល់ព្រះអាទិត្យ។ ពួកគេរំពឹងថា ខ្យល់ព្រះអាទិត្យទាំងនេះនឹងមានល្បឿនប្រហែល ៥០០ ទៅ ៨០០ គីឡូម៉ែត្រក្នុងមួយវិនាទី។
លើសពីនេះ លោក Young បានប្រាប់ Insider ថា “យើងប្រហែលជានឹងចាប់ផ្តើមឃើញឥទ្ធិពលនៃខ្យល់ដែលមានល្បឿនលឿននៅថ្ងៃទី២៤ខែមីនា។ ពេលដែលខ្យល់មានល្បឿនលឿន មកដល់ផែនដី ភាគល្អិតនិងដែនម៉ាញេទិចដែលវាផ្ទុក នឹងធ្វើអន្តរកម្មជាមួយដែនម៉ាញេទិចរបស់ផែនដី ធ្វើឲ្យញ័រឬរោទិ៍ដូចជាកណ្តឹង”។
ទោះបីជាយ៉ាងណាក៏ដោយ លោក Young បានប្រាប់ Insider ថា យើងមិនគួររំពឹងថានឹងមានការដាច់ភ្លើងឬការរំខានណាមួយក្នុងបណ្តាញទំនាក់ទំនងនោះទេ។ ផ្ទុយទៅវិញ នឹងមានបាតុភូត Aurora Borealis កាន់តែរស់រវើក នៅពេលខ្យល់ព្រះអាទិត្យ មកដល់ភពផែនដីរបស់យើង៕
ប្រែសម្រួល៖ Vann Vann
ប្រភព៖ Kcen TV
ចុចអាន៖ កុំរំលងតាមដានព្រឹត្តិការណ៍ «បាតុភូតព្រះអាទិត្យរះចំកណ្តាលកំពូលប្រាសាទអង្គរវត្ត»
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ