ព័ត៌មានអន្ដរជាតិ
អ្នកស្លាប់ដោយរញ្ជួយដីនៅឥណ្ឌូនេស៊ី កើនលើស៨០នាក់
ភ្លៀងមូសុងកាលពីថ្ងៃអាទិត្យទី១៧ខែមករា បានរារាំងដល់ប្រតិបត្តិការស្វែងរកអ្នកដែលបន្តកប់នៅក្រោមអគារ ដែលបាក់ដោយការរញ្ជួយដីដ៏ខ្លាំងលើកោះ Sulawesi របស់ប្រទេសឥណ្ឌូនេស៊ី បន្ទាប់ពីគ្រោះរញ្ជួយដីបានសម្លាប់មនុស្សយ៉ាងតិច៨១នាក់និងបណ្តាលឲ្យមនុស្សរាប់ពាន់នាក់ គ្មានផ្ទះសម្បែង។
រថយន្តអេស្កាវ៉ាទ័រនិងដងស្ទូច ត្រូវបានដាក់ពង្រាយពាសពេញទីក្រុងមាត់សមុទ្រ Mamuju ដែលនៅទីនោះ អគារជាច្រើនត្រូវបានកម្ទេចរួមទាំងមន្ទីរពេទ្យនិងការិយាល័យអភិបាលខេត្តផងដែរ។
ទោះបីជាយ៉ាងណាក៏ដោយ គេមិនទាន់ច្បាស់ទេថាតើមានមនុស្សប៉ុន្មាននាក់ដែលបានស្លាប់ឬនៅរស់ក្រោមកម្ទេចកម្ទីថ្ម បន្ទាប់ពីគ្រោះរញ្ជួយដីកម្រិត៦.២រ៉ិចទ័រកាលពីថ្ងៃសុក្រ។
កាលពីថ្ងៃអាទិត្យ ប៉ូលិសបានដាក់ពង្រាយអង្គភាពឆ្កែហិតក្លិន K-9 ដើម្បីជួយដល់ការស្វែងរកនៅឯមន្ទីរពេទ្យមួយដែលរងការខូចខាតយ៉ាងធ្ងន់ធ្ងរ។
ការយកកម្ទេចកម្ទីចេញលឿនពេកដោយប្រើឧបករណ៍ធុនធ្ងន់ អាចសង្កត់និងសម្លាប់អ្នករស់រានមានជីវិតដែលកប់ក្រោមគំនរបាក់បែក។
ជនរងគ្រោះភាគច្រើនត្រូវបានគេរកឃើញនៅទីក្រុង Mamuju ប៉ុន្តែអ្នកខ្លះក៏ត្រូវបានគេរកឃើញនៅភាគខាងត្បូងនៃទីក្រុងដែលមានប្រជាជន ១១០,០០០នាក់ក្នុងខេត្ត West Sulawesi មួយនេះផងដែរ។
អាជ្ញាធរមិនបានផ្តល់តួលេខដែលអ្នកនៅរស់រានមានជីវិត ត្រូវបានជួយសង្គ្រោះឡើយ។
ហេតុការណ៍កាលពីថ្ងៃសុក្រ បានបង្កឲ្យមានការភិតភ័យក្នុងចំណោមប្រជាជននៅកោះដែលជាកន្លែងរងគ្រោះដោយការរញ្ជួយដីនិងរលកយក្សស៊ូណាមិឆ្នាំ២០១៨ ដែលបានសម្លាប់មនុស្សរាប់ពាន់នាក់៕
ប្រែសម្រួលដោយ៖ Vann Vann
ប្រភព៖ CNA
ចុចអាន៖ រញ្ជួយដីនៅឥណ្ឌូនេស៊ី៖ អ្នកស្លាប់កើនដល់៥៦នាក់ របួស៨២៦នាក់
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ