ថៃ កើតបាតុភូតកម្រ អ្នកក្រុងបាងកក នឹងបាត់ស្រមោលអស់

នាយកដ្ឋានឧតុនិយមថៃ (TMD) បាននិយាយថា នៅម៉ោង ១២:១៦ថ្ងៃត្រង់ ថ្ងៃព្រហស្បតិ៍ទី២៧ខែមេសា ប្រជាជននៅក្នុងរាជធានីបាងកក នឹងជួបប្រទះបាតុភូតថ្ងៃគ្មានស្រមោល (zero-shadow) ដ៏កម្រ ដោយស្រមោលរបស់ពួកគេនឹងបាត់ទាំងស្រុង ដោយសារតែទីតាំងរបស់ព្រះអាទិត្យនៅលើមេឃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្រមោលនៃវត្ថុបញ្ឈរទាំងអស់ដូចជាដើមឈើ អគារ និងបង្គោលនានា ក៏នឹងត្រូវបាត់ទាំងស្រុងដូចគ្នា។

ទោះបីជាយ៉ាងណាក៏ដោយ បាតុភូតនេះមានរយៈពេលត្រឹមតែពីរបីនាទីប៉ុណ្ណោះ មុនពេលព្រះអាទិត្យ និងផែនដីផ្លាស់ទីចេញពីភាពស៊ីសង្វាក់គ្នា។

គួរបញ្ជាក់ថា បាតុភូតថ្ងៃគ្មានស្រមោល កើតឡើងត្រឹមតែពីរដងប៉ុណ្ណោះក្នុងមួយឆ្នាំ នៅគ្រប់ទីតាំងចន្លោះតំបន់ត្រូពិក Cancer និង Capricorn ដែលជាផ្នែកលាតសន្ធឹងជុំវិញផែនដីក្នុងកម្រិត ២៣.៥ ដឺក្រេភាគខាងជើង និងខាងត្បូងនៃបន្ទាត់អេក្វាទ័រ។

TMD និយាយថា ក្នុងប្រទេសថៃ ព្រះអាទិត្យគឺស្ថិតនៅចំកណ្តាលដោយផ្ទាល់នៅថ្ងៃណាមួយក្នុងខែមេសា ឬឧសភា និងថ្ងៃណាមួយទៀតនៅក្នុងខែកក្កដា ឬខែសីហា៕

ប្រែសម្រួល៖ Vann Vann

ប្រភព៖ Nation

ចុចអាន៖ ៥៩ខេត្តនៅ ថៃ ត្រូវវាយប្រហារដោយព្យុះរដូវក្តៅ