សិស្សប្រុស កូរ៉េខាងត្បូង ម្នាក់ញ៉ាំចេកដែលដាក់តាំងក្នុងសារមន្ទីរ ដោយសារតែឃ្លានពេក

កាលពីថ្ងៃព្រហស្បតិ៍សប្ដាហ៍មុន សិស្សប្រុសជនជាតិកូរ៉េខាងត្បូងម្នាក់ឈ្មោះ Noh Huyn-soo បានញ៉ាំចេកដែលគេបិទស្កុតជាប់នឹងជញ្ជាំងសារមន្ទីរ ដោយសារមិនបានបរិភោគអាហារពេលព្រឹក ។

ចំណែកតម្លៃចេកដែលសិស្សប្រុសនោះបកស្កុតចេញ ហើយយកមកញ៉ាំនៅក្នុងសារមន្ទីរ Leeum ក្នុងទីក្រុងសេអ៊ូលមានតម្លៃរហូតទៅដល់ ១៦ ម៉ឺនដុល្លារឯណោះ ប៉ុន្តែវាក៏ធ្លាប់លក់ចេញក្រោមតម្លៃ ១២ ម៉ឺនដុល្លារផងដែរ ។

ទន្ទឹមនោះ ចេកបិទស្កុតខាងលើមានឈ្មោះថា “Comedian ឬ អ្នកកំប្លែង” ជាស្នាដៃរបស់វិចិត្រករជនជាតិអ៊ីតាលីឈ្មោះ Maurizio Cattelan ខណៈវាក៏ធ្លាប់ត្រូវគេហូបម្ដងហើយផងដែរកាលពីឆ្នាំ ២០១៩ ហើយបុរសនោះគឺលោក David Datuna វិចិត្រករជនជាតិហ្សកហ្ស៊ី និងអាមេរិក ។

ទោះជាយ៉ាងណាក៏ដោយ សិស្សប្រុសនោះមិនត្រូវទទួលពិន័យអ្វីទាំងអស់ ព្រោះគេតែងតែប្ដូរចេកនៅក្នុងសារមន្ទីរនោះរៀងរាល់ពីរបីថ្ងៃម្ដង ៕

ប្រែសម្រួល ៖ វារី

ចុចអាន ៖ និស្សិតជប៉ុនមួយរូប តែងខ្លួនដូចលោក ហ្សេលេនស្គី ក្នុងកម្មវិធីទទួលសញ្ញាប័ត្រ