ព័ត៌មានអន្ដរជាតិ
ចិន និងឡាវ ធ្វើសមយុទ្ធយោធារួមគ្នាលើកដំបូង ក្រោមប្រធានបទ “ខែលមិត្តភាព ឆ្នាំ២០២៣”
កងទ័ពចិន និងកងទ័ពឡាវ បានចាប់ផ្តើមធ្វើសមយុទ្ធរួមគ្នាជាលើកដំបូង ក្រោមប្រធានបទ “ខែលមិត្តភាព ឆ្នាំ ២០២៣” ចាប់ពីថ្ងៃទី ៩-២៨ ខែឧសភា ឆ្នាំ២០២៣ ដែលមានកងកម្លាំងនៃប្រទេសទាំងពីរចូលរួមចំនួន ៩០០នាក់ ។
សមយុទ្ធរួមគ្នារវាង ចិន-ឡាវ ក្រោមប្រធានបទ “ខែលមិត្តភាព ឆ្នាំ២០២៣” ដែលធ្វើឡើងនៅមហាវិទ្យាល័យនាយទាហានជើងគោកទីក្រុងវៀងច័ន្ទ មានអញ្ជើញចូលរួមក្រោមអធិបតីយភាព លោកឧត្តមសេនីយ៍ទោ Yang Wenlin មេបញ្ជាការរងកងទ័ពលេខ ៧៥ ប្រចាំទិសភូមិភាគខាងត្បូងនៃកងទ័ពរំដោះប្រជាជនចិន រួមជាមួយសេនាធិការរងនៃកងទ័ពប្រជាជនឡាវ ព្រមទាំងឯកអគ្គរដ្ឋទូតចិនប្រចាំនៅប្រទេសឡាវ និងមន្ត្រីយោធានៃប្រទេសទាំងពីរជាច្រើនរូបផងដែរ ។
សមយុទ្ធ “ខែលមិត្តភាព ឆ្នាំ២០២៣” គឺជាសមយុទ្ធយោធារួមគ្នាលើកដំបូងរវាងកងទ័ពរំដោះប្រជាជនចិន ជាមួយកងទ័ពប្រជាជនឡាវ ក្នុងគោលដៅដើម្បីប្រឆាំងនឹងក្រុមប្រដាប់អាវុធដែលល្មើសច្បាប់នៅតាមតំបន់ព្រំដែន ពង្រឹងកិច្ចសហប្រតិបត្តិការរវាងគ្នាទៅវិញទៅមកក្នុងវិស័យសន្តិសុខ និងការពារជាតិ ក៏ដូចជាការពង្រឹងកិច្ចសហប្រតិបត្តិការប្រឆាំងភេរវកម្មរួមគ្នារវាងកងទ័ពនៃប្រទេសទាំងពីរផងដែរ ។
ទន្ទឹមនោះ ក្រៅពីមានកងកម្លាំងនៃប្រទេសទាំងពីរចូលរួមសរុបចំនួន ៩០០ នាក់ហើយ កងទ័ពរំដោះប្រជាជនចិននៅបានបញ្ជូនរថយន្តយោធាចំនួន ៣០០ គ្រឿងមកចូលរួមក្នុងសមយុទ្ធនេះផងដែរ ដោយមិនរាប់បញ្ចូលគ្រឿងសភាវុធមួយចំនួនធំផងនោះទេ ។
គួរបញ្ជាក់ថា សមយុទ្ធនេះ បានចាប់ផ្តើមចន្លោះពីថ្ងៃទី៩ រហូតដល់ថ្ងៃទី២៨ ខែឧសភា ឆ្នាំ២០២៣ ដោយមិនបង្ហាញឲ្យដឹងពីតំបន់ប្រតិបត្តិការសមយុទ្ធថា ធ្វើឡើងនៅក្នុងខេត្តណានោះឡើយ ៕
ប្រែសម្រួលដោយ ៖ គង់ សំអាន
ប្រភព ៖ MGR Online
ចុចអាន ៖ មេទ័ពជើងគោក ថៃ ស្នើលុបពាក្យ “រដ្ឋប្រហារ” ចេញពីវចនានុក្រមកងទ័ព
-
ព័ត៌មានអន្ដរជាតិ៥ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ជីវិតកម្សាន្ដ៤ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍៥ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ព័ត៌មានអន្ដរជាតិ៣ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ៦ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ២ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានជាតិ៥ ថ្ងៃ ago
ទឹកស្ទឹងសង្កែខាងក្រោមទំនប់សាលាតាអន រីងគោក ពលរដ្ឋប្រឈមការដឹកជញ្ជូនបើកបរកាណូតមិនបាន
-
ព័ត៌មានជាតិ១ សប្តាហ៍ ago
ក្រុមហ៊ុនឡូជីស្ទីកលំដាប់ពិភពលោក មានកប៉ាល់ដឹកទំនិញជាង៦០០ គ្រោងពង្រីកការវិនិយោគនៅកម្ពុជាបន្ថែម