ព័ត៌មានអន្ដរជាតិ
លែងនៅស្ងៀម! លោកពូទីន ចេញមុខនិយាយអំពីហេតុការណ៍ ដ្រូនវាយប្រហារទីក្រុង មូស្គូ
ប្រធានាធិបតីរុស្ស៊ីលោក វ្ល៉ាឌីមៀរ ពូទីន បានចេញមុខឆ្លើយតប ទៅនឹងការវាយប្រហារដោយយន្តហោះគ្មានមនុស្សបើក កាលពីថ្ងៃអង្គារលើរដ្ឋធានីមូស្គូ ដោយចោទប្រកាន់អ៊ុយក្រែនថាបានព្យាយាមបំភិតបំភ័យប្រជាជនរុស្ស៊ី។
លោកនិយាយថា ជនស៊ីវិលត្រូវបានកំណត់គោលដៅ ប៉ុន្តែប្រព័ន្ធការពារដែនអាកាស បានដោះស្រាយការគំរាមកំហែងយ៉ាងពេញចិត្ត។
ថ្លែងតាមទូរទស្សន៍រុស្ស៊ី លោកពូទីននិយាយថា ការវាយប្រហារនេះ គឺជាការឆ្លើយតបទៅនឹងអ្វីដែលលោកពណ៌នាថា ជាការវាយប្រហាររបស់រុស្ស៊ី ទៅលើទីស្នាក់ការចារកម្មយោធារបស់ប្រទេសអ៊ុយក្រែនក្នុងរយៈពេលប៉ុន្មានថ្ងៃថ្មីៗនេះ។
លោកបន្តថា “ដើម្បីឆ្លើយតបនឹងបញ្ហានេះ របបទីក្រុងកៀវ បានជ្រើសរើសវិធីផ្សេង គឺវិធីនៃការប៉ុនប៉ងបំភិតបំភ័យរុស្ស៊ី បំភិតបំភ័យពលរដ្ឋរុស្ស៊ី និងការវាយប្រហារតាមអាកាសប្រឆាំងនឹងអគារលំនៅដ្ឋាន។ នេះគឺជាសញ្ញាជាក់ស្តែងនៃសកម្មភាពភេរវកម្ម”។
គួរបញ្ជាក់ជាថ្មី, ក្រសួងការពារជាតិរុស្ស៊ីបានអះអាងថា យ៉ាងហោចណាស់យន្តហោះគ្មានមនុស្សបើកចំនួន៨គ្រឿងបានហោះចូលទីក្រុងមូស្គូជាមួយគោលបំណងវាយប្រហារ ប៉ុន្តែទីក្រុង កៀវ បានបដិសេធទទួលខុសត្រូវ។
នេះគឺជាលើកទីមួយហើយដែលទីក្រុងនេះ ត្រូវបានយន្តហោះគ្មានមនុស្សបើកច្រើនគ្រឿងវាយប្រហារ ចាប់តាំងពីការវាយលុករបស់រុស្ស៊ីនៅអ៊ុយក្រែន៕
ប្រែសម្រួល៖ Vann Vann
ប្រភព៖ BBC
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង