ព័ត៌មានអន្ដរជាតិ
ទីក្រុងមូស្គូ រងការវាយប្រហារដោយយន្តហោះដ្រូន
អភិបាលក្រុងមូស្គូលោក Sergey Sobyanin បាននិយាយថា យន្តហោះដ្រូនបានវាយប្រហាររដ្ឋធានីរុស្ស៊ីកាលពីព្រឹកថ្ងៃអង្គារទី៣០ខែឧសភា (ពេលវេលានៅរុស្ស៊ី) ដោយបានបំផ្លាញអគារជាច្រើន។
ស្របពេលជាមួយគ្នានោះ លោក Sobyanin បានបញ្ជាឲ្យជម្លៀសប្រជាពលរដ្ឋ ចេញពីប្លុកផ្ទះល្វែងចំនួនពីរដែលត្រូវបានកំណត់គោលដៅ។
ដោយដកស្រង់ទិន្នន័យពីសេវាវេជ្ជសាស្ត្រក្រុង លោកអភិបាលបានគូសបញ្ជាក់ថា សម្រាប់អ្នកដែលរស់នៅក្នុងអគាររងការវាយប្រហារដោយយន្តហោះដ្រូន គឺគ្មាននរណាម្នាក់រងរបួសធ្ងន់ធ្ងរនោះទេ។ លោកបន្ថែមថា មនុស្សពីរនាក់បានស្នើសុំជំនួយនៅកន្លែងកើតហេតុ ប៉ុន្តែគ្មានអ្នកណាម្នាក់ត្រូវបានបញ្ជូនទៅមន្ទីរពេទ្យនោះទេ។
ដោយឡែក មន្ត្រីជាន់ខ្ពស់ក្រុងម្នាក់ទៀតឈ្មោះ Andrey Vorobyov បានសរសេរនៅលើ Telegram ថា “យន្តហោះគ្មានមនុស្សបើកជាច្រើនគ្រឿង ត្រូវបានបាញ់ទម្លាក់ដោយប្រព័ន្ធការពារដែនអាកាស ខណៈពួកគេកំពុងហោះហើរឆ្ពោះទៅទីក្រុង”។
គួរបញ្ជាក់ថា ការវាយប្រហារនេះកើតឡើង បន្ទាប់ពីយន្តហោះគ្មានមនុស្សបើកពីរគ្រឿង របស់អ៊ុយក្រែន បានប៉ុនប៉ងវាយប្រហារវិមានក្រឹមឡាំងកាលពីដើមខែនេះ។
ទីក្រុងមូស្គូ បានចោទប្រកាន់ទីក្រុងគៀវ ពីបទប៉ុនប៉ងធ្វើឃាតលោក ពូទីន និងបានប្តេជ្ញាសងសឹក។
ទោះបីជាយ៉ាងណាក៏ដោយ ទីក្រុងកៀវ បានបដិសេធទទួលខុសត្រូវ ហើយប្រធានាធិបតីអ៊ុយក្រែនលោក Vladimir Zelensky បាននិយាយថា “យើងមិនបានវាយប្រហារលោក Putin ឬក្រុងមូស្គូឡើយ”៕
ប្រែសម្រួល៖ Vann Vann
ប្រភព៖ RT
ចុចអាន៖ ទីក្រុងកៀវ រងការវាយប្រហារធ្ងន់ធ្ងរ ដោយយន្តហោះដ្រូន ២យប់ជាប់គ្នា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង