ព័ត៌មានអន្ដរជាតិ

អ្នកជំនាញ UN ថា អាស៊ាន គួរតែប្ដូរវិធីសាស្ត្រដោះស្រាយវិបត្តិនៅ មីយ៉ាន់ម៉ា

បានផុស

៣ years មុន

នៅ

ថ្ងៃសុក្រ ២៣ មិថុនា ២០២៣

ដោយ

អ្នកជំនាញម្នាក់របស់អង្គការសហប្រជាតិ (UN) កំពុងជំរុញឲ្យប្រទេសអាស៊ានប្រើប្រាស់វិធីសាស្ត្រផ្សេងក្នុងការដោះស្រាយវិបត្តិនៅក្នុងប្រទេសមីយ៉ាន់ម៉ា ដោយសារតែដំណោះស្រាយបច្ចុប្បន្នមិនទទួលបានផ្លែផ្កាអ្វីឡើយ ។

អ្នករាយការណ៍ពិសេសរបស់អង្គការសហប្រជាជាតិទទួលបន្ទុកសិទ្ធិមនុស្សនៅប្រទេសមីយ៉ាន់ម៉ា លោក Tom Andrews បាននិយាយទៅកាន់អ្នកសារព័ត៌មាននៅទីក្រុងហ្សាកាតាកាលពីពេលថ្មីៗនេះថា “ស្ថានភាពសិទ្ធិមនុស្សនៅមីយ៉ាន់ម៉ាគឺធ្ងន់ធ្ងរ ហើយក៏កាន់តែអាក្រក់ទៅៗផងដែរ” ។

លោក Andrews បានចង្អុលទៅកាន់កិច្ចប្រជុំក្រៅផ្លូវការថ្នាក់រដ្ឋមន្ត្រីការបរទេសដែលរៀបចំដោយប្រទេសថៃក្នុងសប្តាហ៍នេះ ខណៈរដ្ឋមន្ត្រីដែលតែងតាំងដោយយោធាមីយ៉ាន់ម៉ា លោក Than Swe ក៏ត្រូវបានអញ្ជើញឲ្យចូលរួមផងដែរ ។

***លោក Than Swe រដ្ឋមន្ត្រីការបរទេសមីយ៉ាន់ម៉ា***

លោក Andrews បាននិយាយថា “វាអាចមានឥទ្ធិពលគ្រោះថ្នាក់ក្នុងការទទួលស្គាល់យោធាមីយ៉ាន់ម៉ាក្នុងលក្ខណៈស្របច្បាប់ណាមួយ ហើយវាដល់ពេលហើយដែលត្រូវស្វែងរក ឬពិចារណាអំពីវិធីផ្សេងទៀតដើម្បីដោះស្រាយបញ្ហាដែលកំពុងជាប់គាំងដ៏គ្រោះថ្នាក់នេះ” ។

គួរបញ្ជាក់ថា សមាជិកអាស៊ានបានឯកភាពលើកិច្ចព្រមព្រៀងជាឯកច្ឆន្ទ ៥ ចំណុចជាមួយយោធាមីយ៉ាន់ម៉ាកាលពី ២ ឆ្នាំមុន ។ វារួមបញ្ចូលទាំងការអំពាវនាវឲ្យបញ្ឈប់ជាបន្ទាន់ចំពោះការសម្លាប់ និងអំពើហិង្សាផ្សេងៗទៀតផងដែរ ប៉ុន្តែទោះជាយ៉ាងណា ផែនការសន្តិភាពនេះស្ទើរតែគ្មានការរីកចម្រើនទាល់តែសោះ ៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រែសម្រួលដោយ ៖ ជីវ័ន្ត

ប្រភព ៖ NHK

ព័ត៌មានអន្ដរជាតិ២០ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា