ព័ត៌មានអន្ដរជាតិ
បញ្ហាចំនួន ២ នឹងដាក់បញ្ចូលក្នុងកិច្ចប្រជុំចង្អៀតរដ្ឋមន្ត្រីការបរទេស អាស៊ាន
វិបត្តិមីយ៉ាន់ម៉ា និងការអនុវត្តកិច្ចព្រមព្រៀងជាឯកច្ឆន្ទ ៥ ចំណុចនឹងត្រូវបានដាក់បញ្ចូលទៅក្នុងកិច្ចប្រជុំចង្អៀតរដ្ឋមន្ត្រីការបរទេសអាស៊ានដែលបានគ្រោងទុកនៅថ្ងៃទី១២ ខែកក្កដា បន្ទាប់ពីប្រទេសឥណ្ឌូណេស៊ីបានកំណត់ពេលកិច្ចប្រជុំចង្អៀត ក្រោយសម័យប្រជុំពេញអង្គ ។
បើយោងតាមប្រភពច្បាស់ការមួយបានឲ្យដឹងថា ក្នុងកិច្ចប្រជុំនោះដែរ ឥណ្ឌូណេស៊ីក៏ចង់ដាក់ទណ្ឌកម្មបន្ថែមលើយោធាក្នុងទីក្រុង ណៃពិដោរ ចំពោះការខកខានក្នុងការអនុវត្តកិច្ចព្រមព្រៀងជាឯកច្ឆន្ទ ៥ ចំណុច ជាពិសេសចំណុចទាក់ទងនឹងការបញ្ចប់អំពើហិង្សា ជំនួយមនុស្សធម៌ និងការចាប់ផ្ដើមកិច្ចសន្ទនាផ្នែកនយោបាយជាដើម ។
ប្រភពបានចង្អុលបង្ហាញទៀតថា ប្រធានអាស៊ានបានទាក់ទងជាមួយភាគីពាក់ព័ន្ធទាំងអស់ រួមមានតំណាងរដ្ឋាភិបាលរួបរួមជាតិ កងកម្លាំងការពារប្រជាជន និងអង្គការប្រដាប់អាវុធជនជាតិភាគតិចផងដែរ ។
ពាក់ព័ន្ធនឹងបញ្ហានេះដែរ អាស៊ានបានរងសម្ពាធពីដៃគូសន្ទនា ជាពិសេសអាមេរិក ដែលចង់ឃើញការបញ្ឈប់រាល់អំពើហិង្សាលើប្រជាជនមីយ៉ាន់ម៉ា ខណៈទីក្រុងវ៉ាស៊ីនតោនក៏បានដាក់ទណ្ឌកម្មលើមេដឹកនាំយោធា និងធនាគារធំៗចំនួន ២ ផងដែរ គឺធនាគារជាតិមីយ៉ាន់ម៉ា និងធនាគារវិនិយោគ និងពាណិជ្ជកម្មមីយ៉ាន់ម៉ា ខណៈគោលបំណងគឺដើម្បីកាត់បន្ថយសមត្ថភាពរបស់យោធាក្នុងការធ្វើសង្គ្រាមប្រឆាំងនឹងអ្នកតស៊ូ ។
ប្រភពនោះបាននិយាយថា រដ្ឋមន្ត្រីអាស៊ាននឹងបន្តបញ្ជាក់សារជាថ្មីនូវកិច្ចព្រមព្រៀងជាឯកច្ឆន្ទ ៥ ចំណុច និងជំរុញឲ្យក្រុងណៃពិដោអនុវត្តវា ខណៈអាស៊ានក៏នឹងបន្តហាមប្រាមលើការចូលរួមរបស់មេដឹកនាំកំពូលរបស់ទីក្រុងណៃពិដោក្នុងកិច្ចប្រជុំពាក់ព័ន្ធរបស់អាស៊ានផងដែរ ។
គួរបញ្ជាក់ថា វិបត្តិនៅក្នុងប្រទេសមីយ៉ាន់ម៉ាបានអូសបន្លាយពេលជាង ២ ឆ្នាំមកហើយ បន្ទាប់ពីផ្ទុះរដ្ឋប្រហារកាលពីថ្ងៃទី១ ខែកុម្ភៈ ឆ្នាំ២០២១ ខណៈការប្រយុទ្ធគ្នានាពេលថ្មីៗនេះបានបង្ខំឲ្យប្រជាពលរដ្ឋជាង ៥,០០០ ភូមិត្រូវភៀសខ្លួនចេញពីជម្លោះ និងឆ្លងចូលទៅក្នុងប្រទេសថៃ ៕
ប្រែសម្រួលដោយ ៖ ជីវ័ន្ត
ប្រភព ៖ Thai PBS
-
សេដ្ឋកិច្ច៥ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ៦ ថ្ងៃ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច២ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ជីវិតកម្សាន្ដ៦ ថ្ងៃ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ៥ ថ្ងៃ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានជាតិ៦ ថ្ងៃ ago
ស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ
-
សន្តិសុខសង្គម៥ ថ្ងៃ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)
-
ព័ត៌មានអន្ដរជាតិ១១ ម៉ោង ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ