ព័ត៌មានអន្ដរជាតិ
អង់គ្លេស ចេញការប៉ាន់ស្មាន អំពីតួលេខទាហានរុស្ស៊ី ស្លាប់និងរបួស នៅអ៊ុយក្រែន
រដ្ឋមន្ត្រីការពារជាតិជិតលាលែងពីតំណែងរបស់អង់គ្លេសលោក លោក Ben Wallace បាននិយាយកាលពីថ្ងៃពុធ ទី១៩ ខែកក្កដាថា ទាហានរុស្ស៊ីប្រមាណ ២៥០ ០០០ នាក់ត្រូវបានសម្លាប់ រងរបួស ឬបាត់ខ្លួន បន្ទាប់ពីលោក វ្ល៉ាឌីមៀរ ពូទីន បើកការលុកលុយលើអ៊ុយក្រែន។
រដ្ឋមន្ត្រីការពារជាតិរូបនេះ ត្រូវបានគេសួរថា តើគាត់ជឿថា លទ្ធផលនៃសង្រ្គាមនឹងបណ្តាលឲ្យកងកម្លាំងរបស់ទីក្រុងមូស្គូ ចាកចេញពីទឹកដីអ៊ុយក្រែនទាំងអស់ រួមទាំងនៅគ្រីមៀដែរឬក៏អត់?
គាត់បានប្រាប់សន្និសីទ Future of Britain របស់វិទ្យាស្ថាន Tony Blair ថា “ខ្ញុំគិតថា រុស្ស៊ីមានភាពផុយស្រួយជាងអ្វីដែលរុស្ស៊ីចង់សារភាព។ ប្រសិនបើអ្នកក្រឡេកមើលទៅមេទ័ពដែលត្រូវបានបណ្តេញចេញ ឬអ្នកមើលទៅលោក Prigozhin ទៅ! នរណាគិតថា មេទាហានស៊ីឈ្នួលលោក Prigozhin នឹងចេញក្បួនបះបោរនៅទីក្រុងមូស្គូ ឬឧត្តមសេនីយ៍ Surovikin ដែលបច្ចុប្បន្នកំពុងសម្រាកនៅទីក្រុងមូស្គូនោះ! គាត់គឺជាឧត្តមសេនីយ៍ម្នាក់ ក្នុងចំណោមឧត្តមសេនីយ៍ដែលមានសមត្ថភាពបំផុតរបស់រុស្ស៊ី”។
ដូច្នេះការបែកបាក់តាមឋានានុក្រមនៃកងទ័ពរុស្ស៊ី គឺពិតប្រាកដណាស់ ហើយអត្រាទាហានស្លាប់គឺគួរឲ្យរន្ធត់។ វាមិនខុសទេ បើនិយាយទៅ កងទ័ពរុស្ស៊ីចន្លោះពី ២៣០ ០០០នាក់ទៅ ២៥០ ០០០នាក់ត្រូវបាត់បង់ជីវិតឬរងរបួស។
ស្របពេលជាមួយគ្នានោះ លោក Wallace បានប្រៀបធៀបតួលេខនេះ ទៅនឹងចំនួនទាហានរុស្ស៊ី១៥០០០នាក់ ដែលត្រូវបានសម្លាប់នៅប្រទេសអាហ្វហ្គានីស្ថាន ចន្លោះឆ្នាំ១៩៧៩ដល់ឆ្នាំ ១៩៨៩ ផងដែរ ដោយនិយាយថា “នោះគឺជាផ្នត់គំនិតរបស់លោកពូទីន”។
សូមបញ្ជាក់ថា លោក Wallace នឹងលាលែងពីតំណែង នៅក្នុងការរុះរើគណៈរដ្ឋមន្ត្រីបន្ទាប់ ក្រោយកាន់តំណែងរយៈពេល៤ឆ្នាំនៅក្រសួងការពារជាតិ៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ រុស្ស៊ី ចោទអាមេរិក និងអង់គ្លេស ថា កំពុងគ្រប់គ្រង “របបភេរវកម្ម” នៅអ៊ុយក្រែន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ