ព័ត៌មានអន្ដរជាតិ
ខណៈការឆ្លងកូវីដលើលោកកើនលើស ១០០ លានករណី កូរ៉េខាងជើងជំរុញប្រជាជនឲ្យប្រុងប្រយ័ត្នខ្ពស់
កាសែតផ្លូវការរបស់កូរ៉េខាងជើងនៅថ្ងៃពុធនេះបានជំរុញឲ្យប្រជាជនរក្សាការការពាររបស់ខ្លួនប្រឆាំងនឹងរោគរាតត្បាតនៃជំងឺកូវីដ ១៩ ខណៈដែលចំនួនករណីឆ្លងនៅទូទាំងពិភពលោកបានកើនឡើងលើស ១០០ លាននាក់ ។
កាសែត Rodong Sinmun បាននិយាយថា “ពេលនេះករណីឆ្លងជំងឺកូវីដ ១៩ បានកើនឡើង ១០០ លានករណី ខណៈចំនួនអ្នកស្លាប់មានរហូតដល់ទៅជាង ២.១៤ លាននាក់ ។ យើងត្រូវរក្សាការប្រុងប្រយ័ត្ន និងបង្កើនកិច្ចប្រឹងប្រែងកម្ចាត់វីរុសនេះឲ្យឆាប់ជាងពេលណាៗទាំងអស់” ។
កាសែតនេះបានអំពាវនាវឲ្យប្រជាជនអនុវត្តការងារកម្ចាត់វីរុសនេះឲ្យដូចជាធ្វើសង្គ្រាម ។ កាសែតនេះក៏បានព្រមានផងដែរពីការសប្បាយរីករាយ ចំពេលមានការប្រយុទ្ធប្រឆាំងនឹងរោគរាតត្បាតដ៏យូរអង្វែង និងបានជំរុញឲ្យមានការគោរពយ៉ាងតឹងរឹងនូវច្បាប់ប្រឆាំងវីរុសដូចជាការពាក់ម៉ាស លាងសម្អាតដៃ និងរក្សាគម្លាតសង្គម ។
ប្រទេសកូរ៉េខាងជើងបានអះអាងថា គ្មានករណីឆ្លងជំងឺកូវីដ ១៩ នោះទេ ប៉ុន្តែប្រទេសនេះបានរក្សានូវកម្រិតប្រុងប្រយ័ត្នខ្ពស់ និងបានអនុវត្តឲ្យរក្សាគម្លាតសង្គម ការឃ្លាំមើលព្រំដែន និងការរឹតត្បិតការធ្វើដំណើរផ្សេងៗជាដើម ។
នៅដើមខែធ្នូប្រព័ន្ធផ្សព្វផ្សាយរដ្ឋបាននិយាយថា ទីក្រុងព្យុងយ៉ាងត្រូវបានដាក់ឲ្យស្ថិតក្នុងកម្រិតខ្ពស់បំផុតនៃការប្រុងប្រយ័ត្នប្រឆាំងនឹងវីរុសកូរ៉ូណាដោយផ្អាកប្រតិបត្តិការនៃកន្លែងសាធារណៈ និងការរឹតត្បិតការធ្វើដំណើរបស់ប្រជាជននៅក្នុងរដ្ឋធានីផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ YONHAP
ចុចអាន ៖ លោក គីម ជុងអ៊ុន បង្ហាញឯកសណ្ឋានយោធាពណ៌សថ្មីជាលើកដំបូង
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង